Popular Bible Verses from Yowana 14

Share

Enibhasigira omurembe, enibhayaana omurembe gwani. Omurembe gunu anye enibhayaana, gutari rwa gunu ekyaro ekibhayaana. Musige okutitibhara mu-mitima gyemwe, na musige okuubhaya.

Yeesu ˆnaamusubhya ati, “Ni anye injira, ekimari, na obhurame. Atariwo omuunu woonewoone unu kaatura okuuja ku-Raata ataturiiye ku-anye.

Yeesu ˆnaagenderera okubheeyigisha ˆnaaikaga ati, “Mwasiga okutitibhara mu-mitima gyemwe, omwikirisha Nyamuwanga, munyiikirishe anye noone.

Nawe Omusakisi uyo, Mwoyo Omutaakatiifu, unu Raata arituma kw-imwe kw-isiina ryani, kaaja okubheeyigisha na okubhayiitya goone kutyo ganu ꞉naariga nimbabhwira.

Omuunu woonewoone unu amenyere na okugwatira ebhiraagiro bhyani, uyo niwe anyendere. Na omuunu unu anyendere, kaaja okwendwa na Raata. Anye noone eniija okumwenda na niriituura abhweru ku-mwene.”

Anye noone eniija okusabha Raata, omwene woone kaaja okubhayaana Omusakisi owundi, insonga Omusakisi uyo eekare na emwe kajaanende. Uyo niwe Mwoyo wa ekimari. Abhaanu bhanu abharema Nyamuwanga bhatakutura okumuramira, kwa okubha bhatakumurora, na bhatakumumenya. Nawe emwe mumumenyere, kwa okubha eekaaye kw-imwe na aribha mu-mitima gyemwe.

Na mukasabha ryoneryone okuturira kw-isiina ryani, riyo enirikora, insonga obhugungyo bhwa Nyamuwanga bhubhe abhweru okuturira ku-anye. Mukansabha engʼana ryoneryone kw-isiina ryani, niririkora.”

“Mukanyenda, omuuja okugwatira ebhiraagiro bhyani.

Ewa Raata bhurimo bhwikaro bhwafu. Ikabheeye itari kutyo, nikabhabhwiriiye. Anye enigenda okubharoosisha owa okwikara.

Mmbe nikagenda okubharoosisha owa okwikara, nirisubha nibhagege, insonga anu niribha, emwe mwone mubhe ayoayo.

Niwe, Tomaaso ˆnaabhuusha Yeesu ati, “Raatabhugenyi, eswe kitakumenya enu owugenda. Ekitura okumenya kutiki injira?”