Popular Bible Verses from THUHILHNA 4

Share

Mi khat sangin mi nih hoihzaw hi; amau’ sepna thaman a tamzaw ngah uh hi. Bang hang hiam cih leh khat cimawh leh a khat in huh a, mi khat guak pen cimawh zenzen leh a huh ding om lo ahih manin a dahhuai pha mahmah ahi hi.

Mi khat bek hileh zawhnop kisa a, nih pha leh kizo zo lo hi. Zang thum a kiheek khauhual bawhsat hak hi.

Khua a dam ciangin mi nih lumkhawm leh khua lum hi; khat guak bangci khualum theih ding ahi hiam?

Nakpi takin na sem a, a mawknapi ahi ding, khut nih dim sangin lungsim nuamin khut khat dim neihna hoihzaw hi.

Mi khatlekhat, hauhnop mana kidemna hangin nakpi taka na kisem ahihna ka mu hi. Hih zong a mawknapi hi a, huihpi nungdelh mah tawh kibang bek hi.

Mi’ thugen a sang thei nawn lo, teek leh hai a thuah kumpipa sangin zawng napi-in a pil tangval khat hoihzaw hi.