Popular Bible Verses from THUHILHNA 5

Share

Thu ngaihsun masa-in pau inla, Pasian’ tungah thu mawk ciampak kei in. Vantungah Pasian om a, leitungah nang om na hih manin na pau ding a kilawm zahval pau kei in.

Pasian in mi khat neihlelam guanin, a hauhna nuamtakin a neksak leh, amah lungdamin a sepna thaman ne-in a om ding hi. Tua nopsakna pen Pasian’ kiang pan ahi hi.

Sum deihna lungsim na neih leh lungkim hun cih na nei ngei kei ding hi. Na hauhnop hangin na deih khempeuh na ngah ngei kei ding hi. Hih pen a mawknapi ahi hi.

Biakinn-ah na pai ciangin limtakin kingaihsun in. A man le a man lo a khen thei lo mihaite’ biakpiaknate tawh a kibang piakna sangin thu ngai dingin biakinn-a paina hoihzaw hi.

Pasian’ tungah thu na ciam ciangin manlangin tungsak pah in. Amah in mihaite diksa lo hi. Na thuciamna bangin tungsak in.

Na thuciamna bangin na tunsak kei ding le thu ciam vet kei zaw in.

Na a sem mipa pen a nek ding nei taleh nei ta kei leh lungnuam takin ihmu thei a, a haute ahihleh lungnuam takin ihmu thei lo uh hi.

I nute’ sung panin bangmah nei loin guaktangin i suah mah bangin guaktang mahin i ciahkik hi. I sepsate i ciahpihkik theih bangmah om lo hi.