Popular Bible Verses from THUHILHNA 3

Share

Hih leitungah a piang thu khempeuh, Pasian in ama pian’ hun dinga a sehsa hunin a piansak ahi hi.

Suah hun om a, sih hun om hi. Suan hun om a, bawhkhiat hun om hi. Gawh hun om a, khoi hun om hi. Phel hun om a, lam hun om hi.

Kah hun om a, nuih hun om hi. Dah hun om a, laam hun om hi. Lupkhawm hun om a, tuamlup hun om hi. Kikawi hun om a, kikhah hun om hi.

Balkek hun om a, phop hun om hi. Daih hun om a, pau hun om hi. It hun om a, muhdah hun om hi. Kido hun om a, kilem hun om hi.

Zon’ hun om a, mansuah hun om hi. Kep hun om a, paihkhiat hun om hi.

Pasian’ sep khempeuh a kip tawntung ding ahihna ka thei hi. I behlap theih ding om lo a, i paihkhiat ding zong om lo hi. Amah i zahtak theih nadingin Pasian in tua bang ding mahin a bawl ahi hi.

Pasian in sepna bawlna le na khempeuh ama hun ding sehkhol khin ahih manin, midikte le migilote thu khen ding hi.