Popular Bible Verses from Lug 7

Share

Na hɨn̰ wo̰ ma, aŋ yen̰ daa waŋ: Wandɨ di hɨndi ba lee tɔgɨ le gɨl gɨ Kumu ɗe kuduroyi jal a cay ɨsɨna kɔɔ gɨ kondi le. Ama ban gɨ na laa ɨsɨna dḛ wo̰ ƴɔbɨ na, kɨya ƴɔmɛ wandɨ na dḛ wo̰ ƴɔbɨ dan̰ ban gɨ ba ɗe kuduroy jal a cay ɨsɨna koyi gɨŋ le.» Ɨni na, Jesu yen̰ tama le hɨn̰: «Kumu ɗe kuduroyi jal cay ɨsɨna kɛɛ nɔm.»

Ama Jesu yen̰ tama le hɨn̰: «Aye kudurɔ kɛɛ poɗɨne; ɨra dan̰ gusi-dɔbɛ.»

Ɨrgan̰ ɨrɨn̰ kardi Jesu jɨn̰ tɨbayi. Hɨndi ɨle, ɗe kaŋdi cɨndo bugoŋ cay tɨbayi dɨŋ. Ɨni na, hɨndi hande cay tɨbayi dan̰ teɗi caa bɨ, uye cay tɨbay bɨ, jɨga n̰ɨre ɨdɨr nee.

Na hɨn̰ wo̰ ma, ɨŋ sol gusɨnɨ hɨn̰ ungo gɨ ji kɨya ɓale ɨrga gusɨnɨ naŋ. Ama ji na aya non̰ ƴɔbɨ na, ɨŋ sol gɨ guyɔŋ hɨnge le gusi kɨya ɗoyi. Ɨŋ ye hɨn̰ wo̰ na kɨya gɨ ɨŋ-bandi kalɨn̰ ma ka-canɨ woyge nee bɨ. Ɨŋ-bandi kalɨn̰ ma ɨŋ orɨn̰ dan̰ asɨgarn̰əŋ ga ɨŋ som cayge bɨ. Hɨn̰ gɨ ɨŋ na yan̰ gɨ pɨna hɨn̰: “Ɨra!” Na ban or bɨ; ɨŋ na yan̰ gɨ ɗaŋ hɨn̰: “Jɨge!” Na ban jɨga bɨ! Bɨ ɨŋ na yan̰ dan̰ guyɔŋ hɨnge “laa hɨnga ga kɛ” na, ban lee bɨ.» Kɨɗɨn̰ ga Jesu je kɔl gɨ da ba-cay asɨgarn̰əŋ ga aru gɨ nee le na, kɔl kayi yɔd. Bɨ ban pɨlɨn̰ sol dɨmdɨrdi kalaŋ ga kobɨge kardi le bɨ yege hɨn̰: «Aŋ yəgɨŋ daa waŋ na cɨndi, a te wɨn̰je gɨ da Ɨsɨrayɛl gɨŋ kalɨn̰ ma ɨŋ waa ungo pɨna wo̰ gɨ aye kudurɔ koyi gɨlɨn̰ hɨn̰ wo̰ le naŋ.»

Kɨɗɨn̰di ga nee gaŋ le bɨ, Jesu poɗɨ kalaŋ ka-modoŋ bɨ kan ga turnɔ ga ɨsɨndəŋ gɨlge-cɨn̰ bɨ, ka-bɨbe dan̰ kondige solge kɨɗɨn̰ nee bɨ. Bɨ ga ma ban jɨga dɨbɨn̰ ka-aye-cay-tɨbay Ja̰ cay nee yege hɨn̰: «Ɨragɨŋ dɨran̰gɨŋ Ja̰ kol hɨnga ga kɨŋ ba sol dan̰ cɨndɨgɨŋ bɨ, dan̰ ga kɨŋ ba je dan̰ sɨmaygɨŋ bɨ: Ka-bɨbe solge kɨɗɨn̰ bɨ, ka-modoŋ orge daa osɨ kəŋ kəŋ bɨ, ka-mada kalɨn̰ ma mada toge duroŋ gusɨge bɨ, kalaŋ ga sɨmayge ja kɔl naŋ kalɨn̰ ma jege kɔl bɨ, kalaŋ ga mage kalɨn̰ ma boyge lɨbɨ bɨ, Kɔl-gɨ-Ɗari le kalɨn̰ ma kan tee bɛrnɛ di bɨn̰ kan ga hɨnga wɔɔdɨge unɔ bɨ.