Popular Bible Verses from Lug 6

Share

Bɨn̰gɨŋ kamdɨgɨŋ hɨnga, na hɨn̰ wo̰ ma Kumu kalɨn̰ ma kɨya bɨgɨŋ hɨnga bɨ. Kan kɨya gɨse hɨnga yɨbagɨde, ɗɨsɨge ɗe walɨn̰ dɨr dɨr bɨrɨŋ ɗɔɔ ɔrɛ coŋ, bɔgɛ kɨbɨ badɨge kagɨŋ gaŋ.» Kɨya wa kan kɨya gɨse hɨnga bɨgɨŋ na boy hɨnga ga kɨŋ gɨsɨn̰ hɨnga nee bɨn̰ kamdɨgɨŋ bɨ.

Ungo gɨ ɗari le, gɨye-lɔɔdi kuɗa na kɨya kuduroy ga kuɗa. Ama ungo gɨ ɨsɨnde le, gɨye-lɔɔdi ɨsɨnde na kɨya kuduroy ga ɨsɨnde. Kɨya wa na kɔl gɨ walin̰ kuduroy ungo jɨŋ jɨŋ ba basaŋ doŋ kɨbi.

Ama ƴɨmagɨŋ wandɨ dan̰ ka-baadɨgɨŋ bɨ, laagɨŋ ɗarwa bɨ, ɨban̰gɨŋ kalaŋ hɨnga dɨle ɨrɨme hɨn̰ gɨ kan na kɨya jogin̰ bɨgɨŋ daa bɨ. Hɨn̰ gɨ kɨŋ na laa hɨn̰ wo̰ na, Kumu kɨya bɨgɨŋ cay kobɨgɨŋ gɨ gumu bɨ, kan kɨya yɔ hɨn̰ gɨ kɨŋ na karɨn̰ Ban gɨ Ɗɨn̰ cay hɨnga nɔm. Kɨya wa Kumu kalɨn̰ ma, lee ɗarwa dan̰ kalaŋ ga sɨlage ɗarwa di Ban laage naŋ bɨ, dan̰ kalaŋ ga ka-lɔɔ ɨsɨna bɨ.

Sɨlagɨŋ cɨn̰-n̰age di da kalaŋ hɨn̰ gɨ Baygɨŋ Kumu ba solɨn̰ cɨn̰-n̰age di da kalaŋ wo̰ bɨ.

«Bɔyɛgɨŋ kɔl cay kamdɨgɨŋ naŋ, na hɨn̰ wo̰ ma Kumu kalɨn̰ ma kɨya bɔyɛ kɔl caygɨŋ naŋ bɨ. Yɔgɨŋ gɨ kɔl na ƴom cay kamdɨgɨŋ naŋ, na hɨn̰ wo̰ ma Kumu kalɨn̰ ma kɨya yɔ gɨ kɔl na ƴɨma caygɨŋ naŋ bɨ. Ɗagɨŋ kuduroygɨŋ jala cay kamdɨgɨŋ bɨ, Kumu kɨya ɗɔɔ kuduroy jalɨwa caygɨŋ bɨ.

«Ama kɨŋ ga ba je kɔl hɨnge labɨde le, aŋ yəgɨŋ daa waŋ: Geygɨŋ ka-baadɨgɨŋ bɨ, laagɨŋ ɗarwa dan̰ kan ga ka-ƴomgɨŋge dan̰ kuduroyge bɨ. Tɨragɨŋ-kɨbɨgɨŋ cay kan ga ka-ɓɨsgɨŋ bɨ, ulagɨŋ Kumu kɨya cay kan ga ka-pɔyɛ kɔl ɗɔɔ caygɨŋ bɨ.

Hɨnga nɔm ga kɨŋ gey gɨ kalaŋ na laa danagɨŋ le, kɨŋ kalɨn̰ ma laagɨŋ danage hɨn̰ wo̰ ca ca bɨ.

Hɨn̰ gɨ ungo na dɨga kɨway maŋjɨn̰ ga pɨna na, bɨl kɨway maŋjɨn̰ ga ɗaŋ ban ɗe de nee ƴee. Hɨn̰ gɨ ungo na ungɨla badɨge kan̰ ga gumu ga ji dobɨ cay kamdɨge gaŋ danan̰ na, ɗayi ɗe ban ƴee gumɔjɨ kon̰ nee bɨ. Ungo na ɨngɨrɨn̰ hɨnga na narii naŋ bɨ, hɨn̰ gɨ ungo na ungula hɨnga kan̰ ƴa na, jɔgɛ ɨngɨrii ɗaŋ naŋ bɨ.

Hɨya gɨ ɗari le kɨya wɔɔ wɔɔdi gɨ ɨsɨni naŋ bɨ, hɨya gɨ ɨsɨni le kɨya wɔɔ wɔɔdi gɨ ɗari naŋ bɨ.

Hɨya gɨ ani ani kalɨn̰ ma na toyge ba gɨle wɔɔdɨge. Cay pɨna ungo ara tuguyɔŋ a cay sɨləlɨm dɨŋ naŋ bɨ, ungo ara suru a cay gɨm gɨŋ naŋ bɨ.