Popular Bible Verses from Lug 8

Share

Gasi gɨse ga bugoŋ cay gɨsəŋ ga ɗari gaŋ le, gɨlɨn̰ na dan̰ kan ga ƴeege kɔl gɨ da Kumu dan̰ kuduroyge ga kuɗa bɨ, ɨrege kɛgɛgɛ cay tɨbayge kɨya ƴɔɔge bɨ, dɨbɨn̰ge-ɗugoyge bɨrɨŋ andɨn̰ hɨnga bɨge.

Gasi-gɨse ga bugoŋ duroy gɨsɨm gaŋ le, gɨlɨn̰ na dan̰ kan ga jege kɔl gɨ da Kumu bɨ, beege kuduroyge cay nee bɨ, ama ɨrɨme a cay hɨnga ga cay gɨsəŋ gaŋ bɨ, tabɨlaŋ wɔɔ gursu bɨ, gusi-mɔwa ga cay gɨsəŋ gaŋ bɨ, ba ƴɔmɛ kuduroyge narge malge te aye kudurɔ koge gaŋ coŋ.

Gasi-gɨse ga bugoŋ a cay gɨsəŋ ga wan̰ dan̰ oru le, gɨlɨn̰ na dan̰ kan ga jege kɔl gɨ da Kumu bɨ ƴeege dan̰ gusi-mɔwa hage, ama kɔl gɨ da Kumu le bɨga sarnay kuduroyge naŋ. Kɨya wa kan beege kuduroyge cay nee na lam wo̰ bɨ, kɨɗɨn̰ ga hɨnga ga ni gɨwase na andaŋ cayge ɨni na, kan dɨbɨ aye kudurɔ koge coŋ.

Jesu jɨga yen̰ ka-aye-cay tɨbayi hɨn̰: «Kɨya wa ma magɨŋ gɨl aye kudurɔ kogɨŋ naŋ ga?» Hundɔrɔ leege ama kɔl gɨ ba kayge yɔd le, lee gɨ kan ɨngɨrge gusɨge ye hɨn̰: «Ungo gɨ kɛ le na ungo gɨ mɨna ma kal dan̰ kaŋ kalɨn̰ ma jege kɔl kɨbi kɨɗɨn̰ ga ban ay noyi bɨge wo̰ ga?»

Gasi gɨse ga bugoŋ bongi gɨyəŋ le, gɨlɨn̰ na dan̰ kalaŋ ga je kɔl gɨ da Kumu dan̰ sɨmayge. Ama kɨɗɨn̰di ga nee gaŋ le bɨ haban̰ ɨrga dor kɔl gɨ da Kumu le cɔd kuduroyge coŋ, naŋ na kan na gɨ da bɔgɛ kuduroyge cay nee wan̰ pɔɗɛ.

Hɨnga nɔm ga woy kɨɗɨn̰ wɔsɛdɨge gɨŋ haw kɛ le, wɔlɛ gɨ ɗaŋ kan kɨya dɔrɛ toyge daa, hɨnga nɔm ga haw kɛ woy kɨɗɨn̰ ɓurɔŋgɛdɨge gaŋ le, wɔlɛ gɨ ɗaŋ kan kɨya andɨn̰ dan̰ koldɨge doŋ.

Tama le ba sol gɨ hɨndi kɨya ɓale wɔsɛ guso naŋ ɨni na, hɨndi ɨrga dan̰ hundɔrɔ say jag jag baa tumoy Jesu. Bɨ dor te hɨnga ga ba loo gɨ hɨndi ba cɨlɨn̰ kɨbɨ badɨge ga da Jesu tumoy kalaŋ nɔm bɨ, pɔɗɛ gɨ hɨndi ba way kɨɗɨn̰di ga nee gaŋ le bɨ. Jesu yo hɨn̰: «Turmonɨ, aye kudurɔ kɛ poɗɨne. Ɨra dan̰ gusi-dɔbɛ.»

Ka-aye-cay-tɨbay Jesu ɨrgage mɨnde gusi lɨbiige yeyge hɨn̰: «Ba-gɨlni hɨnga, Ba-gɨlni hɨnga, na kɨya mundoŋ gɨŋ.» Jesu say lɨbɨ te kuŋ gaŋ bɨ, al kal dan̰ mɛw ga sayge le. Kɨɗɨn̰ ga nee gaŋ le bɨ, kal gɨ duroŋ le sogii bɨ, mɛw ga say le kalɨn̰ ma jɨga ɨre dugo ɗɨngɨrɨŋ ban̰di nee bɨ.