Popular Bible Verses from Ezekeli 34

Share

Amo ta wó beeri pei selo na jei to mo, se a daare a kale selo na ywori chwoŋa to a ja a jwoori. A maa wó vɔ pei selo na nɛ fufwollu to ŋwana se ya jei, se a daare a taa cho selo na bwona to se se na dam. Ko daare, ko ná ye pei selo na nugi bigila bigila ye se dana to, a lage a go-se mo. Amo wó taa kɔne a pei sem ko chwoŋa kam ne mo.

Ne nayero na beeri o pei selo na jage pwola ne tei to, konto mo amo de wó taa nii a pei sem baŋa ne. Amo pei sem déem yɔɔre se jage mo dɛ delo ne kunkwon-lilirru na tu te li tega kam maama to. A nam wó beeri se jei ye a jwoŋi-se a yage.

Yuu-tu BAŋA Wɛ na tage tei to mo tento: Amo tete mo lage a nwoŋi a beeri a pei sem jei se a taa nii se baŋa ne.

Amo tete nam mo lage a taa nii a pei sem baŋa ne, ye a daare a pa se taa tigi tega ne de bochare-zuru. Yuu-tu BAŋA Wɛ na tage kolo to mo konto.

A maa yeini a nii abam baŋa ne, ne nayero na nii o pei-kɔgɔ tei to, ye á ye nabiina. Á ye amo nɔɔna mo, ye amo de ye abam Wɛ. Yuu-tu BAŋA Wɛ na tage kolo to mo konto.’ ”

“Nabiinu, pworisi taane n chɔge Isarele teo yiga tiina balo na nii a nɔɔna bam baŋa ne to. Nam ta de-ba we: ‘Yuu-tu BAŋA Wɛ na tage tei to mo tento: Lɛɛro taa wo á baŋa ne! Nayera jege se ba taa nii ba pei sem baŋa ne mo. Ko dae konto na? Abam nam nii á tete baŋa ne mo.