Popular Bible Verses from Ezekeli 33

Share

Nam ta de-ba we, ‘Ne amo Yuu-tu BAŋA Wɛ na jege ŋwea tei to, ko ye chega mo we, puseŋ-nyeno toone bá pwoli amo wo. A nam swoi se puseŋ-nyena pipiri ba yage ba totoŋ-nɛ sem, se ba daare ba na ŋwea mo. Isarele dwi tiina bam, nam pipiri-na á yage á lwarem kikia yam. Á wó kuri toone se bɛ mo?’

Nabiinu, a kuri nmo mo se n ji wolo na zege n yere Isarele dwi tiina bam to. Nmo totoŋe mo ye se n cheigi taane delo a na tɛ to, se n laam vo n kaane-ba n pa-ne.

Ko daare, nmo ná kaane puseŋ-nyeno wom se o yage o keim-balwaaro tem ye o ná ve n ni-kaana yam, o wó seene o te o tusim kikia ŋwaane, ye nmo nam wó jwoŋi n tete n yage.

Ko daare, wolo na zege o yere teo kom to ná nɛ we jar-keira mo maa beene se ba jeeri-ba de jara, ye o ná ve se o wu nabɔnɔ kom o kaane nɔɔna bam pa ba badwonna te jara yam baŋa ne, ko ye ba nɛ waarem ba tusim kikia ŋwaane mo. Amo nam wó bwei nɔɔna bam konto jana bam jene wolo na zege o yere teo kom to tei ne mo.’

Kokuri, kotu nigi nabɔnɔ kom kwori mo ye o ke ne o yiga tera pa o te. O ya ná ke o tɔge nabɔnɔ kom kwori na bere tei to, o ya wó jwoŋi o ŋwea. O toone tɔge de o tete mo.