Popular Bible Verses from Makǔ 13

Share

“Bǎnuakha pěnu, pṳ̌ glè̌ noma̤si tûû̌ awè̤̌ kû̌ kòyò pě, dě wè̤̌ noma̤si tûû̌ apṳ̌ kû̌ kòyò pě, pha glè̌ noma̤si tûû̌ aphû̌ kû̌ kòyò pě, phû̌ tokhlǒ shěgeshěshu tûû̌ amǒ̤apha tokhlǒ pě, dě a noma̤si tûû̌ kòyò kû̌ amǒ̤apha pě. Dǒ sîgû̌ kû̌ hekò akhû̌akhî, dě kòyò pṳ̂̌꤮ tôpwa̤ gǔ sǎkhě bò sî pě. Bǎbǎkǎlè kòyò dǒ a ihtǒ ô̌měô̌gle dǒ a ta̤yṳ̌ta̤nǎ̤ akû tǒ̤dǒ agutṳ̌ tokhlǒnu Cǒmara glè̌ ma̤hǎplǎge asî pě.”

Ô̌sè̌rè̌ lô̌khô sînǎ̤, sòklò caba ô̌pǒ̤ lô̌khô sînǎ̤ nî̌꤮, ma̤titè̌hî̌dě a gǔ htûhtò̌ pě bǎkhò̌tè nu sî sî̌ya tô̤̌.

Kòyò pṳ̂̌cû̌ sî dǒ khwǐpwa̤jwètôta̤hǐ bǎkhò̌tè bǎbǎ, sî tôbǎ hî̌bǎ hî̌tènu bǎgû̌gè̌nǎ wǐ tǎ̤ lô̌khô tǎ̤mǎ̤ nî̌꤮. Ma̤titèhî̌dě shěkhǎ hètǒ̤ pě dě sî gǔ hî̌bǎ tû̌ mè̤̌tô̤̌, Yôla Plò̌shǐ Běcǎ glè̌ shôbǐǐ ma̤jè̌ tû̌ sî pě.

Mǒkhû̌ kû̌ hǎkhû̌ gǔ hǎmǎkè pě bǎbǎkǎlè helě̤heyô̤̌ tokhlǒnu a hǎmǎkè pě tôkhò̌꤮ tô̤̌.

“Bǎbǎkǎlè ta̤hǒo tokhlǒ gǔ htûhtò̌ lṳmṳ̌ni̤ lṳmṳ̌sa, mè̤̌tô̤̌dě ashěakhǎ bǎkhò̌tè pěnu kòyò sî̌ya tôpwǎ̤꤮ tô̤̌. Mǒkhû̌tanaphû̌ ô̌ dǒ꤮ mǒkhû̌ nutokhlǒ bǎbǎ, a sî̌ya tô̤̌. Aphû̌khû kû̌ anǎ̤ nutôpwa̤ bǎbǎ, a sî̌ya tô̤̌. A sî̌ya pwǎtǒ̤ hepha tôpwa̤꤮ nô̤̌pwǎ.

Bǎ sî ganǎ̤de kòyò shěpě̤ pi̤ti̤pṳ̂tṳ̂ lû̌û dǒ aphǔ bǎbǎ, sî ganǎ̤de kòyò shôbǐǐ bǎ sî ta̤shěta̤pě̤ awe̤akè dǒ ayî̤ tokhlǒnu bǎbǎ, ǐsha lô̌khô tǎ̤mǎ̤ nî̌꤮. Ma̤titèhî̌dě pô̤̌o tokhlǒ numî̌ a bǎ htûhtò̌ nò pě, bǎbǎkǎlè hǒnumî̌ hǎkhû̌ glè̌ gutṳ̌ amè̤̌ nò̌khôtô̤̌.

“Hǐběcǎ gǔ gesô̌ bǎkhò̌tè pě nu sî sî̌ya tô̤̌. Mî̌ a gesô̌ htû̌꤮ lṳmṳ̌hǎ pě ya, mè̤̌tô̤̌dě mî̌ a gesô̌ htû̌꤮ lṳmṳ̌khǐklama pě ya, mè̤̌tô̤̌dě mî̌ a gesô̌ htû̌꤮ shîû̌ pě ya, mè̤̌tô̤̌dě htû̌꤮ lṳmṳ̌lî pě ya nu, sî sî̌ya tô̤̌ akhû̌akhî, sòklòshěshu lô̌khô pûnî̌꤮. Ma̤titèhî̌dě hǐběcǎ kè̌ getǒ̤ sumṳ̌htò̌ pě dě, no kè̌shǐ tǎ̤ kû̌ sî hǎmôô̌ shepě̤ tǎ̤mǎ̤ nî̌꤮. Ta̤ dǒ he hî̌ bǎ sî tokhlǒ numî̌, he pwe̤ǐbǎbò he khôphijǎ pṳ̂̌tôpwa̤hǒ, pô̤̌nudě ‘sòklò ô̌pǒ̤shěshu lô̌khô pûnî̌꤮.’”

Ma̤titèhî̌dě kòyò khlilèphû̌ tocǒ kû̌ tocǒ, shigǎ tôgǎ kû̌ tôgǎ gǔshěpě̤ lû̌û pě. Tanahtû̌de tokhlǒ glè̌ dǎlô̤̌dǎkhô bò dǒ hǎkhû̌ nutûkû hto tûkû pě. Gǎko gǔ ô̌htò̌ pě. Ta̤htûhtò̌ hǒtokhlǒ numî̌ amè̤̌mô̤̌ pepwǎ ta̤jî̌ta̤jû̌ a kòshî̌ dǒ asô̌sô̌kû̌ pwa̤mǒ̤ glè̌ phû̌ô̌ hǐphushanu hètǒ̤ mô̤̌pepwǎ.

Bǎbǎkǎlè bǎ hǎkhû̌ gutṳ̌ khôtô̤̌ akhanu, sî tôbǎ cû̌ shôbǐǐlṳ̌ bǎ kòyò pṳ̂̌꤮ tocǒ kû̌ ta̤sǎlě̤we̤kè.

Kòyò saprû glè̌ jî̌hè anǎ̤ sô̌sô̌kû̌ he nupě dě a gǔ dǒkôǐ lòhôlò̤ lô̌khô anǎ̤ kû̌, ‘he mî̌ Khrǐ dǒ a ma̤hǎplǎge kòyò nutôpwa̤’ htodě a gǔ lô̌ǐplò̤ǐnǐ̤ dû̌wî̤ kòyò pě.

“Sî bǎ sè̌rè̌ lô̌khô sînǎ̤. Dǒ hekhû̌khî dě kòyò gǔ pṳ̂̌ sî pě, dě kòyò gǔ sûhtò̌ sî dǒ pwa̤cî̌htò̌ ikǒlǒkòdû̌ tokhlǒ a lô̤mô̤̌ pě. Kòyò glè̌po̤ sî dǒ ta̤cabahǐkû pě. Sî bǎ ihtǒô̌ dǒ pwa̤pǒǐ tokhlǒ kû̌ côphǎ tokhlǒ alômô̤̌ pě dě a gǔ cî̌htò̌ sî pě dě sî gǔ shôbǐǐlṳ̌ nǐ̤ asî kû̌ ta̤sǎlě̤we̤kè pě.

Ma̤titèhî̌dě kòyò dǒ a jî̌lòhô anǎ̤ pô̤̌ Khrǐ dǒ a ma̤hǎplǎge kòyò nutôpwa̤ tokhlǒnu kû̌ kòyò dǒ ajî̌lòhô anǎ̤ pô̤̌ piwi̤pèshè tokhlǒnu, a gǔ ô̌lṳ̌htò̌ pě. Pô̤̌khô asî glè̌ lô̌ǐplò̤ǐ kòyò dǒ Cǒmara rû̌htò̌hto lû̌û tokhlǒnu, asî kè̌ ma̤jò dě, a gǔ ma̤lṳ̌htò̌ ata̤ma̤ cô̌klǐcô̌sè tokhlǒ kû̌ ata̤ma̤ sû̌pǐ̤sò̌pǐ̤ ǒò̌ kiti̤kaa kòyò nutokhlǒ pě.

Dě Yeshǔ hî̌ sělě pô̤̌ kû̌, “Bǎ ta̤jî̌ta̤jû̌ alṳmṳ̌ni̤ lṳmṳ̌sasî cû̌ tûlûhto pě nu, ‘Cǒmara gǔ ma̤khǐkè lṳmṳ̌ pě, la gǔ lî petô̤̌. Shǎ dǒ mǒlǎ̤ tokhlǒ gǔ lò̤tě̤pro̤ bòkèpě. Cǒmara glè̌ ma̤ guyṳ̌wṳ̌wè̤ bò mǒlǎ̤ a ta̤pô̤ta̤phǎ nutokhlǒ pě.’