Popular Bible Verses from Makǔ 12

Share

Dě Yeshǔ hî̌shěshu lû̌û kû̌, “Ta̤mǎlò̤ dǒ alṳ̂dû̌lǒ mî̌ titè dě, ‘Ǒ꤮ Isôrělaphû̌ sî, gana̤de lô̌khô Běcǎ ô̌ pwǎtǒ̤ pa Běcǎ Cǒmara tôpwa̤ nô̤̌ pwǎ. Dě mô̤ lǒ̤sû̌lǒ̤sò̌ sî Cǒmara kû̌ sî sǎphlǒ lǒ̤꤮ bò, mô̤ lǒ̤sû̌lǒ̤sò̌ a kû̌ sî ta̤ô̌htûpwa̤ lǒ̤꤮ bò, mô̤ lǒ̤sû̌lǒ̤sò̌ a kû̌ sî ta̤gènè̤ lǒ̤꤮ bò, mô̤ lǒ̤sû̌lǒ̤sò̌ a kû̌ sîta̤khû̌ta̤ǎ lǒ̤꤮ bò,’ hǒonumî̌ ta̤mǎlò̤ awǐlǒ tômû dǒ alṳ̂dû̌lǒ nuhǒ. Ta̤mǎlò̤ ginǐ̤mûtômû mî̌, ‘sî bǎ mô̤ǐlò̤ sî hǐphòwò̤shî̌ tokhlǒ pô̤̌ sî mô̤ǐlò̤ tûû̌ sînǎ̤nu.’ Ta̤mǎlò̤ dǒ alṳ̂dû̌lǒ pô̤̌o dǒ ashǔshawa̤ numî̌ a ô̌ petô̤̌.”

Dě Yeshǔ kaǎplǒ akhôphijǎ tokhlǒ dǒ a ô̌ dě a hî̌ asî kû̌, “He hî̌cǒcǒ sî, lǒ̤꤮ bò kòyò dǒ a hèshû̌nṳ̌ ru dǒ lǎ̤shû̌nṳ̌ rutǒkû nu, pwa̤mǒ̤khwè̌ nutôpwa̤ shû̌nṳ̌ dû̌lǒkhlo kòyò hǒ. Ma̤titè̤̌hî̌dě lǒ̤꤮ bò a hèshû̌nṳ̌ ru nutokhlǒmî̌, a ô̌lǒô̌be shû̌lě dě a hèshû̌nṳ̌ pwǎ lô̌khô ata̤ ô̌ kûmṳ̂̌kashǎ nutokhlǒ pwǎ. Bǎbǎkǎlè pwa̤mǒ̤khwè̌ tôpwa̤ numî̌ a hǎwǐ̤shèwè̤, a ô̌lǒô̌be tô̤̌ bǎbǎkǎlè a hèshû̌nṳ̌ bòkè aru dǒ a lǎ̤ǎ kû̌ a ta̤htûpwa̤ aya nuhǒ.”

Yeshǔ hǎnòò̌ ô̌ phǔ bǎ kòyò lǎ̤bè̌ô̌plǒ rutǒkû gûlǎ̤ alômô̤̌ akhanu dě a kè̌ kòyò tokhlǒ hè shû̌nṳ̌ ru akha, kòyò dû̌yò̤̌htò̌sa saprṳ̂saphǎ hè shû̌nṳ̌ dû̌wî̤ ru. Bǎbǎkǎlè pwa̤mǒ̤khwè̌ dǒ a hǎwǐ̤shèwè̤ ô̌ tôpwa̤ dě a hè shû̌nṳ̌ kû̌ kò ru tilili̤ ginǐ̤bǎ dǒ apwî̤ gònò̤ pwǎ kû̌ ru tôbǎ nupwǎ.

Pa bǎ mô̤ lǒ̤sû̌lǒ̤sò̌ pa Cǒmara kû̌ pa sǎphlǒ lǒ̤꤮ bò, kû̌ pa ta̤gènè̤ lǒ̤꤮ bò kû̌ pakhû̌paǎ lǒ̤꤮ bò. Htokhôtô̤̌ pa bǎ mô̤ǐ kòyò dǒ ashǔshawa̤ tokhlǒ pô̤̌ pa mô̤ǐlò̤ tûû̌ panǎ̤nu mî̌ awô̌khlo pekû̌ lǒ̤꤮ bò pa shû̌gǎ ta̤phû̌ta̤wè̤ tokhlǒ kû̌ mî̌, lǒ̤bò pa ma̤lṳhtò̌ ta̤ dǒ ashǔshawa̤ tokhlǒ numî̌ he sî̌ya,” a hî̌shěshu lû̌û pô̤̌nu.

Htodě Yeshǔ hî̌ asî kû̌, “Khwǐdû̌ Kè̌sha ata kè̌hî̌dě ǐ kû̌ khwǐdû̌nu, Cǒmara ata kè̌hî̌dě ǐ kû̌ Cǒmara nu” Yeshǔ hî̌ asî pô̤̌nu dě asî ǒò̌ kiti̤kaa bò Yeshǔlǎ̤.