Popular Bible Verses from Makǔ 14

Share

A cû̌ pô̤̌ dǒ alô̤mô̤̌ tîkî̌phû̌ dě a û̌tṳglulò̤ dǒ hǎkhû̌ dě a kwicaba dě a hî̌ kû̌, “Ta̤jî̌ta̤jû̌ dǒ he bǎ khòbǎ khònò̤̌ nu, na kè̌ nocû̌ tûlû̌ kèbò anǐ̤ kè̌hî̌dě nocû̌tûlû̌ kè pû bǎ he,” a hî̌ pô̤̌nu. Dě a kwicaba kû̌, “Abǎ, pha, na ma̤jò ta̤lǒ̤bò, phî̌ tephekè bǎ he ta̤jî̌ta̤jû̌ aba hǒtôba. Bǎbǎkǎlè he sǎyṳ ma̤ jû̌꤮ tûû̌ he sǎphlǒ tô̤̌, jû̌꤮ tûû̌pwǎ na sǎphlǒ nî̌꤮.”

A hî̌ lô̌khô asî kû̌, “Pô̤̌khô sî gǔ cû̌nṳ̌ gû̌ tǎ̤ dǒ ta̤tili̤tôlô̌ akû tǎ̤mǎ̤nu, sòklò dě kwicaba lô̌khô nî̌꤮. Sî sǎphlǒshû̌sho mî̌ca ta̤ dǒ atô bǎbǎkǎlè sî nǎ̤glǒnu a khû̌shiǎjǎ jî̌lî.”

He hî̌cǒcǒ꤮ sî, htû̌ kòyò cû̌lè shôbǐǐlṳ̌ ta̤sǎlě̤we̤kènu dǒ hǎkhû̌ hǒtôbě bǎtè tûkû pě bǎbǎ, kòyò gǔ gènè̤htò̌nṳ̌ a pě dě kòyò gǔ dǔlè̌lṳ̌htò̌ ta̤ dǒ a ma̤hto nupě.”

Dě a hî̌ akhôphijǎ nu sò̌su kû̌, “A jî̌ mè̤mè̤̌꤮ he sǎphlǒ hǒ a tǒ̤dǒ he glè̌ si tè̤tè̤̌nu hǒ, ô̌kè lô̌khô bǒo dě ô̌sòklò lô̌khô nî̌꤮.”

Bǎ asî ǎshǎ akhanu, Yeshǔ phî̌ mû̌ dě hî̌bwǐhî̌sîrîhtò̌ Cǒmara htodě a běphò̌ mû̌ dě a yṳ̂̌lò̤ pè̤̌ akhôphijǎ tokhlǒ dě a hî̌ kû̌, “Phî̌ dě ǎ lô̌khô, hǒomî̌ he nǎ̤glǒ.”

Htodě a phî̌ sîpî̌shiba dě a hî̌bwǐhî̌sîrî htû̌sò̌ Cǒmara htodě a yṳ̂̌lò̤ pè̤̌ asî dě asî ô lô̌khô sîpî̌shi pṳ̂̌꤮ tôpwa̤. Dě Yeshǔ hî̌ asî kû̌, “Hǒomî̌ hesǐ dǒ a gǔ sǐlò̤ bǎ kòyò saprṳ̂ aya pě. Hǒomî̌ ta̤ma̤dòǐ tocǒ dǒ a ma̤měma̤gle bǎ ta̤wṳ̂̌dò asa aya hǒ.

Yeshǔ hî̌ asî kû̌, “Cǒmara hî̌nǎ dǒwǐkha kû̌, ‘he glè̌ po̤si pwa̤kè̌pǒ̤sû̌phû̌ pě, dě sû̌phû̌ tokhlǒ gǔ khlè̌cû̌peshe pòwò̤̌ bòkè pě,’ Lî̤plò̌shǐkû hî̌ pô̤̌nu. Lǒ̤bò sî hǒtokhlǒ numî̌ asô̌sô̌kû̌ sû̌phû̌ tokhlǒ nuhǒ. Sî glè̌ hǎhtò̌khlè̌ cû̌khô̌bòkè helǎ̤ pě.

Ihtǒ mò̌! pa bǎ cû̌hǒ! kè̌mò̌dǒnu, kòyò dǒ a shaǎ he nutôpwa̤ hètǒ̤hǒ.”

Dě Yeshǔ hî̌shěshu lû̌û kû̌, “He hî̌ mè̤̌mî̌ca na, hǒtôsa pě bǎ shîpha û̌ htò̌ ginǐ̤plǎ khôtô̤̌ nu, na sî̌ganǎ̤bǎnô̌ he tô̤̌nu na gǔ la̤lò̤kè suplǎ pě.”