Popular Bible Verses from Markus 6

Share

Om moisusuvoli dii i tongotulun rumikot om muli gosob do au kosivat iolo mangakan, nga kadi Yisus di tongosusuuonJo, “Kayo tokou pogi bubugol mongoi soi tojongou, om mingkojod tokoupo oruai,” ka.

Nga kadii di Yisus diolo, “I nabi nopo, i popolombus do tinangaran di Kinoringan, nga au urumaton do tongotulun siri kampungjo kondiri, nga siri pantok di vokon om ampa urumaton isido,” ka.

Om korikot nopo dii i Yisus siri pantok ongoionJo, tindalno dii Isido om i tongotulunJo. Om kaantangaiJo dii iri tongotulun toguu, om osianan dii marong Isido diolo do irad di kambing biri-biri do auso momimiara, om timpuunno dii i Yisus monuduk diolo diri, om oguu dii nituduk Disido diolo.

Jadi au kadapat i Yisus popoontong do sinunduJo siri kampung kondiri. Kivaro nogi nga okuyak iri tulun au kataru nolingasanno do kinama Disido. Om oiranan dii Isido do auso kaparsayaan di tongotulun siri. Om ongoino dii pitongkop-tongkop i Yisus si tongokampung sondiang do monuduk di tongotulun.

Om onuono dii di Yisus iri limo noinan i kuui om iri duvo tinan i sada, om tingaa nogi dii Isido soi tavan do sumambayang do mangarajou do Kinoringan. Om poikokib-kokibo dii Disido i kuui, om popintaako nogi dii di tongotulunJo supaya potikidon diolo si di tongotulun. Om irad nogi dino iri duvo tinan sada do pinoiutul-utul di Yisus om pataako nogi diolo di tongotulun. Om pangakanno dii iolo kasangkat gosob do nabajakan. Om koopod nopo dii i tongotulun toguu mangakan om pumpungono dii di tongotulun di Yisus iri noolu-olu diolo mangakan, nga kivaropo dii opulu om duvo vakid noponu di tongosongkokiban di kuui om i tongosomputul di sada.