Popular Bible Verses from Markus 5

Share

Om pitangarno dii i Yisus do ka, “Abu, nolingasankono di toruolnu do aparsayako Dogo. Nga ulino pogi do nolingasankono om antatangaino,” kadi Yisus.

Nga kivaro nogi siri iso tongondu do opulu om duvo toun do au ototoduan di raa. Oguu kosusaan di tongondu diri sabap minokiubat isido siri tongoduktur toguu, gosob do naavino dii i tongobarangjo niboli diri ubat, nga au nogi lumingos i toruoljo, muang-ruang nogi dii.

Pogkombit disido turus dii do notodu i raajo, om nopurimananjo do nolingasan isido.

Om kuutaino dii di Yisus i longon di tanak om pitangar dii do tangarJo kondiri, “Tolita koum,” kadi Yisus. Komoion nopo dii nga, “Tanak, posikno, tungagno,” ka.

Nga di mangar-tangarpo i Yisus di tongondu, om rikotno dii i tongotulun mantad siri valai di Jorius, i kotua do valai sasambayangan, om mitangar di Jorius do ka, “Tuan, mokimaap ikoi dikau, om popoilo ikoi dikau, iri nopo i tanaknu dii om noovongno. Onupo bo dino koboringaannu ino Guru?” kadiolo. Nga aui rinongou di Yisus i tinangaran di tongotulun, om minitangar nogi Isido di kotua sasambayangan do, “Ada korosi, aparsaya noopo Dogo,” ka.

Om kadi Yisus disido do, “Rogon! Labusno mantad sino tulun,” ka. Om mijak-gijak dii do opuod marong i tulun rinosukan mitangar di Yisus do ka, “Yisus, Tanak do Kinoringan i Agajo Marong Kuasa do onuu nopo! Kukuroyon oku Dika? Mokianu oku Dika si di Kinoringan do ada oku kukuroyo Dika,” kaadi tulun rinosukan do rogon. Om duatono dii di Yisus isido do ka, “Isai ngarannu,” ka. Nga jawapno dii isido, “Ngaranku nopo nga Tasapou do oguu ikoi,” kadi rogon.