Popular Bible Verses from Matius 24

Share

Om muang-ruang iri karaato di tongotulun, irino sabap do kogumuan do tulun apalo ginavo do au kojuu di tulun vokon. Nga isaai nopo iri atagar i ginavo gosob do koovion, om irino kaanu do kovijaan di auso koovion.

Om tumongkop i tongotulun siti vonuvo do mangaabar di Abar do Aandai nong potingkuro i Kinoringan monguasa di tongotulunJo, supaya korongou kasaangkat i tongobansa, om orikot nogi dino iri gosob do koovion diti maso,” kadi Yisus.

Om kivaro nopo orongou muju do moipaparang siti somok om abar do moipaparang i tongotulun soi vonuvo do osodu, nga ada kou rumosi, do misti orikot kasangkat iti komoionKu. Nga okonko poko korikatan diri gosob do koovion.

Sabap kivaro bansa gumirot lumavan sondiang bansa, om kivaro kopomorintaan gumirot lumavan sondiang kopomorintaan. Om inombo-nombo do vonuvo nga kivaro mononlikop om gunggun tana. Nga insan ajadi kasangkat irad diri om iri nogi dino kotimpuun di kosusaan irad diri tongondu monsusu.

Insan olijotpo ilo tavan om iti tana, nga tinangaranKu nopo nga auso iso olijot,” kadi Yisus.

Do oguu iri tongotulun do sumangalu Dogo mamalid di tongotulun do ka, ‘Iokuno i Koristus,’ kadino, om irino do oguu i tongotulun do apalid diolo.

Nga kivaro dino manangkap dikovu do mongovit pataak si pantok pasansaraan om patajon kou nogi. Om kasaangkat do bansa nga obonsi dikovu sabap maja kou Dogo. Om irino ontok do oguu tulun mundur do lumuoi i kaparsayaan diolo, om moisuli-suli iolo manangkap do pataakon siri porinta om moibobonsi iolo. Om oguu nabi diri momumudut do mimbulai om mamalid do tulun toguu.

Nga jawapno dii i Yisus dagai do, “Antatangai mujuno, om ada kou mibobojo polidon do tulun.

Om sabap diri aandai do poinsodia kou laid do rumikot Oku do Iokuno i Sinumiliu do Tulun, om au muju oilaan nong sombia i korikatanKu kavagu,” kadi Yisus.

Om sabap diri antatangai mujuno do au oilaan muju nong sombia korikatanKu kavagu, i Tuhan muju.

Om kadi Yisus kavagu, “Auso iiso tulun koilo sombo do tadau ko sombo do jaam do korikatanKu, insan i moloikat silo suruga ko Ioku i Tanak nga au koilo, nga irino i TamaKu do koilo di korikatanKu.

Do mimbulai piipiro koristus do momumudut om piipiro nabi do momumudut do popoontong di pongintutunan om koiranan do mamalid daa do tulun pinili do Kinoringan.

Om korikatanKu nopo, i Sinumiliu do Tulun, nga irad diri jaman di Nuu pogulupo. Do ontok di aupo nalampai do loni, mangkas i tongotulun do mogiginakanon, mogiginiupon om moikakawin irad di koubasan gosob do norikot i tadau do kinasakaan di Nuu siri kapal. Om okonko noilaan diolo do rumikot i loni tagajo gosob do nalampai om napatai kasaangkat i tongotulun do nolosod, om irad nogi dino i korikatanKu, i Sinumiliu do Tulun.