Popular Bible Verses from Matius 23

Share

Nga isaai nopo sino dikovu mokipangkat, irino sumiliu do susuuon muju.

Om isaai nopo iri misinggagajo nga irino poinsuribakon, nga isaai nopo iri minsuribak i ginavo nga irino poinggojoon,” kadi Yisus.

Oi dikovu tulun monunuduk do Undang-undang Ugama do Joudi, om ikovu nogi kumpulan do Porisi, atukpo dii kararaat ino nasip muju do puupura kou noopo! Manaak kou noopo do sogumau, om bawing, om dulau onuon muju do saralom di opulu pataakon muju iri iso boogian si di Kinoringan. Nga pisingkuolingan muju iri nisuu di opigot, irino kotulidan do ginavo, kosianan, om rumalan maja do Kinoringan, do irino apatut marong do vojoon muju. Om ada tolibai muju saralom di opulu pataakon muju iri iso si di Kinoringan.

Oi dikovu tulun monunuduk do Undang-undang Ugama do Joudi, om ikovu nogi kumpulan do Porisi, atukpo dii kararaat ino nasip muju do puupura kou noopo! Mongolidang kou marong dino kojuvan muju, irad di mongolidang kou diri likud do pinggan om misoliput diri sangkir muju, nga ikovu nopo om kiginavo do monoro do tulun om mokimamaa kou marong.

Om aandaman dii di Yisus i gaagaya di tongotulun si Bandar Yorusalim, om minitangar Isido do, “Osusa ginavoKu dikovu tongotulun do Yorusalim do minamatai kou di tongonabi, i popolombus di tinangaran do Kinoringan, om i minongodumpau do vatu di tongotulun i sinuu do Kinoringan mongoi siti dikovu. Nga soumur Oku daa do uvang do monguntun dikovu irad diri puunan do moninong di tongotanakjo do kungkuban daa nga au kovi moo.

Irad kou nogi dino, do nong antangan pamarasan muju mad diri abanar i ginavo muju, nga saralom ginavo muju nopo om noponu do taraat om puupura kou noopo.