Popular Bible Verses from MATEO 11

Share

Imatapash rurashpa shaijushcacuna, aparishcashna causajcuna, tucuilla Ñucapajman shamuichi. Ñucami cangunataca samachisha.

Ñuca yuguta aparichi. Ñucallami, na ñapash fiñarij, jariyanatapash na yarij shunguta charini, chaita yachajuichi. Ñucata crishpallami samashpa causai ushanguichi.

Ñucapaj yuguca fangallami, aparijpipash na llashangachu” nijurcami.

Ñuca Taitami, tucuita Ñucaman carahuashca. Pipaj churi cajtapash, gentecunaca na yachahuanllu, Ñuca taitallami yachan. Ñuca taitatapash, pipash na rijsinllu. Ñucallami, Paipaj Churi cashpa rijsini. Shinallata, taitataca churi rijsichijpillami rijsin.

Jesusca, Juan cachashca runacunataca cashnami nirca: “Cunanga, imata uyashcata, imata ricushcatapash, Juanman villagrichi: ‘Ñausacunapash ricunajunmi, jangacunapash alimi purinajun. Lepra ungüihuan causajcunapash, ali tucunajunmi, rinri na uyajcunapash uyanajunmi. Huañushcacunatapash causachijunmi. Imagutapash na charijcunamambash, quishpirinamanda villanajunmi’ nigrichi.

Uyangapa rinrita charishpaca, aliguta uyaichi.