Popular Bible Verses from MATEO 10

Share

Ñucami cangunataca atujcunapaj chaupipi, llamacunata cacharijshna cachajuni. Shinamandami cangunaca, culebrashna alitapacha yuyarishpa purina canguichi. Shinallata, palomashna, ali shungumi cana canguichi.

Paipaj caipi causaitalla ashtahuan juyashpaca, chingaitami chinganga. Ashtahuangarin, Ñucata catijushcamanda huañuchi tucushpaca, causaitami taringa.

Cangunapaj cuerpota huañuchijcunataca, na manllanachu canguichi, almataca na huañuchi ushangachu. Ashtahuangarin, almatapash, cuerpotapash ucu pachapi tucuchingapa ushaita charijtami manllana canguichi.

Maijan cashpapash, paipaj cruzta aparishpa Ñucata na catishpaca, napacha Ñucapajlla causaita ushangachu.

Maijambash shujcunaman, Ñucamanda villajpica, Ñucapash paicunataca jahua pachapi Ñuca Taitamanmi villasha. Ashtahuangarin gentecunapaj ñaupajpi: ‘Paitaca na rijsinichu’ nishpa Ñucata nijpica, Ñucapash jahua pachapi Ñuca Taitapaj ñaupajpimi: ‘Paitapash na rijsinichu’ nisha.

Huañujujcunatapash, lepra ungüihuan ungushcacunatapash alichinguichi. Huañushcacunatapash causachinguichi. Ayacunatapash, gentecunamanda llujchinguichi. Chai ushaitaca, juyashpa carajpimi japircanguichi. Shinallatami, juyaihuan rurana canguichi.

Shina cajpimi na manllana canguichi. Cangunaca, alasyu uchilla animalcunatapash ashtahuan yalipachami canguichi.

Cai pachapi causajcuna llaqui illaj causachunmi shamushca yanguichiman. Llaqui illaj causachunga na shamurcanichu. Ashtahuangarin macanajui tiyachunmi shamurcani.