Popular Bible Verses from Baroma 6

Share

Hobane moputso wa sebe ke lefu; empa neo ya mohau ya Modimo ke bophelo bo sa feleng, ka Jesu Kreste, Morena wa rona.

Hobane sebe se ke ke sa le busa, hobane ha le tlasa molao, empa le le tlasa mohau.

Ka baka leo, re patilwe le yena ka kolobetso ho kena lefung, hore jwalokaha Kreste a tsositswe bafung ka kganya ya Ntate, le rona re tle re tsamaye bophelong bo botjha.

Le se ke la nehelana ka ditho tsa lona sebeng, hore e be disebediswa tsa bokgopo

Hobane re ntse re tseba hobane botho ba rona ba kgale bo thakgisitswe le yena, hore mmele wa sebe o tle o timetswe, re tle re se ke ra hlola re sebeletsa sebe.

Ka mokgwa o jwalo le lona, le inka le le ba shweleng ka nqeng ya sebe, empa le phelela Modimo ka Jesu Kreste, Morena wa rona.

Jwale re tla reng? A re tla nnela ruri mo boleong gore tshegofatso e tle e ate? Modimo a se ke a eba teng. Rona ba shweleng ka nqeng ya sebe, re ka boela ra phela jwang ho sona?

Na ha le tsebe hoba eo le ineelang yena ho ba bahlanka ba ho mo utlwa, le bahlanka ba eo le mo utlwang; leha e le ba sebe se isang lefung, kapa ba kutlo e isang ho lokeng?

Empa ho lebohuwe Modimo, kahobane le ne le le bahlanka ba sebe, empa le mametse ka pelo yohle mokgwa wa thuto oo le o neilweng. Erekaha le lokolotswe sebeng, le bile bahlanka ba ho loka.