Popular Bible Verses from Lúcas 5

Share

Aċt nuair a stad sé de ċainnt, duḃairt sé le Síomon: Cuir amaċ ar an doiṁneaċt, agus leigigiḋ síos ḃur n-eangaċa ċun gaḃála.

Agus d’ḟreagair Síomon, agus duḃairt sé leis: A Ṁáiġistir, ṡaoṫruiġeamar ar feaḋ na h-oiḋċe uilig, agus níor ġaḃamar dadaṁ; aċt ar d’ḟocal-sa leigfiḋ mé síos an eangaċ. Agus nuair a ḃí seo déanta acu, ġaḃ siad án iomad iasc, agus ḃris a n-eangaċ.

Aċt d’imṫiġ seisean isteaċ san uaigneas agus rinne sé urnaiġe.

Ní ṫáinic mise le glaoḋaċ ar ḟíréin aċt ar ṗeacaiġ ċun aiṫriġe.

Agus nuair a ċonnaic Síomon Peadar seo, ṫuit sé síos ag glúna Íosa, ag ráḋ: Imṫiġ uaim, óir is duine peacṫaċ mé, a Ṫiġearna.

Agus duḃairt Íosa leo, ġá ḃfreagairt: Ní ar na daoine slána a ḃíos liaiġ do ḋíṫ, aċt ar na daoine breoiḋte.

Agus nuair a ṫug siad a longa ċun tíre, d’ḟág siad gaċ niḋ, agus lean siad é.

Agus ṫárla, nuair a ḃí sé i gcionn de na caṫraċa, féaċ, fear lán de loḃra, ar ḟeiceáil Íosa dó, ċaiṫ sé é féin síos ar a aġaiḋ agus ġuiḋ sé é, ag ráḋ: A Ṫiġearna, má’s toil leat, tig leat mé a ḋéanaṁ glan. Agus ag síneaḋ amaċ a láiṁe dó, leig sé air í, ag ráḋ: Is toil; déantar glan ṫú. Agus d’imṫiġ an loḃra de ar an ḃomaite.

Aċt is aṁlaiḋ is mó a leaṫnuiġ iomráḋ air, agus ċruinniġ sluaiġte móra le h-éisteaċt leis agus le leiġeas d’ḟaġáil ó n-a gcuid galar.