Popular Bible Verses from Kolohe 1

Share

Na ia laveakia ki tātou mai te mālohi o te pōuliuli, ma kaumai ki tātou ma te haogalēmū ki loto o te mālō o tona Ataliki pele

Auā ko nā mea uma lele i te lagi ma te lalolagi, nā mea e kitea ma nā mea e hē kitea, fakatahi ai ma nā pule o agaga, aliki, tupu ma taupulega, na gaohia e te Atua e ala ia Keliho ma e mo ia.

Na i ei ia Keliho ka ko hēki i ei he mea e fokotahi, ma i te māfutaga ma ia kua nofo tonu ai ia mea uma i te tūlaga e tatau ke i ei ai.

Ko Keliho ko te ata fakatuha ia o te Atua, tē e hē mafai ke kitea e he tino. Ko ia ko te Ataliki ulumatua, ma e hilihili lele ia i lo hētahi o mea na gaohia e te Atua.

Mai te aho lava la na ki mātou iloa ai, e hēki uma lele to mātou tatalo mo koutou. Ko ki mātou e tatalo ki te Atua ke fakatumulia koutou i te mālamalama e uiga ki tona finagalo, vēnā ma te poto uma ma te iloa e maua mai i tona Agaga. Oi ka mafai ai loa e koutou oi ola e tuha ma te finagalo o te Aliki, ma koutou faia ai pea nā mea e fiafia ai ia. Ka fua mai autou gāluega lelei ma ka fakatupu ātili te koutou mālamalama e uiga ki te Atua.