Popular Bible Verses from Luk 9

Share

Wù kfə́n a suúy e wìr dzə̀m jii, «A wìr koŋ ji wun wáa dzə ŋgaà wom ŋgoo, ŋgaàŋ kù màʼày kitú kfə́, e toòmé kpú, a lì moo kintam vishiíy vidzə̀m, a ghan sho e mǒ bàm.

Wìr wo wù bávti kitú kfə́ ji fo wun kpú, kù wíy kpu. Yii bèy, wìr maʼay kitú kfə́, bìʼ mo, bo ŋgaàŋ wíy shaàrì.»

Jesus bìnèr e woo shooy jii, «A wìr ghàr lá kisoo ji wun sí lim lim, e kfə̀n a leéy bám, bo bó ŋgaàŋ yoʼ ghèén fó a lìm e kinyò ke saʼ Nyùy.»

Wù nèn kfə̀n dzə̀r jii, «A wìr yì ndzə, yì may, wù bívír kitú kfə́, bo séʼ dzə̀ ka?

Vèn wáa kiíy jii, a wìr woóme fó a dzə ŋgaà wom ŋgoo, kfə̀n woóme fó a jùmrì kinyo kém, bo ŋgaà wo yírí dzəə̀n Wanwìr və̀n wíy a woomé sa fó lì ŋgaàŋ ji və́ə woo wír e ghan se wù wíy a kfən e wùn mvə̀m vikùʼùy ve dzəə̀n vé Tàr wov wùn à nshèelav sə́ sí.

Jesus bìnèr sho jii, «Nyám símóʼ sí kér bií sév, a menə́n medzə̀m mè kér láʼ sév. Yii bèy, a bó ŋgaà wo yírí dzəə̀n Wanwìr və̀n yòʼ kér fó teʼ kfə́ kee kitú.»

e sùúy aáwune jii, «A wìr yén wán və̀n ji wír bìʼ mo, bo ŋgaàŋ yén a dzə̀ mo. Wù wáa yen mo, bo wù yén a dzə̀ ŋgaà wo wù tumen mo. Vèn wáa kiíy jii, wìr wo wù li kitú kfə́ fó tèr e věn mvəm, dzə̀ wo dzəə̀n wír wo kuʼùn.»