Popular Bible Verses from Luk 10

Share

Vèn yén ri lèn, m fò ne ven vitaáví, vèn wáa nyèŋrì abúv wùn aàŋgámé, e kfə̀n fò ven vitaáví, vèn gháʼ dzə́ə sé Satan woo ŋgaà menàŋ sidzə̀m, a bó yòʼ dzə̀ kinyo ki sə̀ʼ ven gheéy.

Taàtá Jesus yòŋ jii, «Maata, Maata, à kaŋkàŋ, tuʼtìn e mvə̀m vinyò vinín, a kinyo ke kí dzəə̀n é shií kí dzə̀ kimòʼón. Maria shòʼ ne kee shooy, a bó á yòʼ dzəə́ wìy sə fo fo.»

Wù bìnèr jii, «Á sàŋ jii, ‹Wìr wáa kòŋ Nyùy Tàr woo Nyùy və shilív shidzə̀m, e fò kitú kfə́ shó kidzə̀m, a lìm fo fo vitaáví və́ vidzə̀m, e tìír vifií a dzə̀ é wùn wó.› A kímóʼ kí dzə̀ sá jii, ‹Wìr wáa kòŋ fə́r və mo wù koŋ kitú kfə́.› »

Wù lòo tum, e sùúy aáwune jii, «Vifá ve á wáa kav vi kùʼ ne e ŋàŋ, a vé kavi dórninè. Vèn ku nèn a lon fo taà sùm ji wù tsə́nsí vé lìme, aá káv vifá və́ vee shooy.

Jesus fèr bèy, e dzə̀r e wìr və̀y jii, «Fo wìr vee ataár vìn, à yén ké ji wìr wo wù dìnèn ji wun dzə̀ fər wìr wo ashóŋé‑eè gharin və̀y dzə̀ la?» Wù bìnèr jii, «Dzə̀ wo wù‑uù shamen mendzən me wìr woo shooy.» Jesus nèn sùúy sho jii, «Dù ri, a yiì sa bèy.»

Vèn wáa dù rì. Lóo dù, vèn wàa kiíy ji m tùm ven, a vèn du moo wón njiì ve á du, e nəə́ e nyám se bi sí wo.