Popular Bible Verses from Luk 14

Share

«Bó yòʼ dzə̀ wìr wìy nə̀ə́ e mǒ ŋgoo, a bó wù yòʼ koŋ mo, e shaà tàr wov wùn yè wov, kfə̀n koŋ mo, e shaà wiíy və wùn à wóné, aàfə́r vəə́. A wù kfə̀n kér fó a kòŋ sa mo, e shaà mo wù koŋ kitú kfə́.

A bó yòʼ dzə̀ sá wìr wàa dzə ŋgaà ŋgoo wom, a bó wù biímé kpú, e lì moo kintam, a ghan sho e mǒ bàm.

Kù dzə̀ mo Nyùy wíy a sèn wír wo wù yén kitú kfə́ kikuʼùn, a koʼór wo wù yén kitú kfə́ shishàr.»

Kù dzə̀ sá mo vèn kér fó baʼtí réŋréŋ, a bó yòʼ dzə̀ wìr wàa dzə ŋgaà wom ŋgoo, a bó wù máʼtí vifá və́ vidzə̀m.

«A wìr fo vèn lò ji wun wíy bom lav ye kuʼùn, la wù yòʼ tòmbìy dzə̀ʼə̀m, e kàʼày mbàm se wù yíi jivír, e bóo kiíy ji wun sà kù yòʼ kér mbàm se dzə̀ sí bóm lav yee shooy, e màysì à? A wù dzə̀ là fó yiì bèy, tam wù wìy wày a dzə̀ kinsə̀ŋ, lav ghàʼ. Kí kooy bèy, é wír ve á shaa, yén kinsə̀ŋ kee shooyi wáa sheʼ wun jii, ‹Wìr və̀n kèʼ kibaʼrì, kí gháʼ.›

À wíy kaʼ kinyo, à bì a dzə̀ aŋgàa kitàn, e kfə̀n bì andzə́m, wùn aàŋkivkìri, aàmfìri. À yii bèy, áà nèn a ker kishéʼrì, bìʼ fo bó yòʼ dzə̀ wír vee béne siìr kifá e wò, é wìy laàmé Nyùy wò e ghan se wír vəə́ wíy fəə fo kpu.»

«Shiŋgwáŋ shi dzə̀ kifá ke juŋ ki. Yii bèy, a shí lò, e səə̀rí, á kfə̀n yèe shó, bo shí nyom? Bo shí lày ne kisáŋ, a bó yòʼ fə̀m dzə̀ á wày é sum, a bó yòʼ dzə̀ sá, á tàtí wùn à viŋgà ve á wáy e sum ví. A dzə̀ á kù màʼày màʼàyìn. Vituʼùr ví dzə̀ vibaà. Kímóʼ kí tén fó yu, kímóʼ kí yù.»