Popular Bible Verses from Luk 13

Share

«Vèn wáa mùm kitávín fó tosín a dzə̀ fó shùu lav wo wú fárninè, e lùŋ. Vèn wáa kiíy ji wír aníne wíy a mùm fó tosín, a bó á yòʼ wíy a ker dzə́ə.

Wiíy wùmòʼ wáa dzə fo, a nyùy wùmòʼ‑oò yiì ne, lùŋ kív, wù gòn kiyá nshòv waamé e ghvə̀m, a bó yòʼ dzə̀ wù dzəə ghàn tìítiy. Jesus yén wiíy və̀y, e yòŋ. Wù wìy, wù suúy shó jii, «Yè wor, à dzə́ bèn, aà bòy ne fo wò yàsí fèn.»

Wù wáa suúy bèy, a neèr wó rə́ é wùn wó, wù ku nèn nànèn, e tìím tìítiy, a sùyrì Nyùy.

Vèn wáa kiíy jii, wír ámóʼó ve á dzəə̀n lèn ji vé bàmé wíy a dzə vé mbìyi, aámóʼó ve á dzəə̀n lèn ji vé mbìyi kfə́n ji vé bàmé.»

Ghán sí wíy gheén, é ŋgaà lav nanen fó ntaʼ, e sə̀tí shúu lav. Wù lóo sətí, a vèn dzə̀ə́ fo ndzə, aá nèn a kùmrì shúu lav, a yòŋ jii, ‹Tàr, ku mvə̀ʼ shúu lavi, é vèr nəə́,› é wù nèn bìnèr jii, ‹Bó m yòʼ kì fo vèn loòn.›

Bó yòʼ dzə̀ bey. A m suuy e vèn jii, a vèn dzə̀ là fóo bìnèr melív men, bo vèn kù wíy lày sa bèy adzə̀m.»

A wù kù wíy bìnèr kfə́ jii, ‹M suuy ji bó m yòʼ kì á fo vèn loòn. Vèn lo fo mǒ shùu lav. Vèn ghán, buʼtì vinyo ve bi ví.›

Jesus lò, e ghay jii, «Sáʼ Nyùyi dzə̀ moó le? Kifá ke dzə̀ m fìʼsìn shó ki dzə̀ ka? Yí dzə̀ moo ŋgoòy shishùr shímóʼ shí she wìr‑iì liìn, e màʼ e wùn sum. Yì fəə́, tíŋe kúy, e rə̀ŋsìn, a dzə lèn ji kicí, menə́n mè wáa bàʼrì sho.»