Popular Bible Verses from लूका 9

Share

तोउं यीशु सोबी जे बोलु, “अगर कोई में पता एण चहन्ता, त अपु मने मुताविक जीण छड़ दिए, त हर रोज अपु क्रूस उछिड़ कइ में पता एईए।

किस कि जे कोउं अपु प्राण अपफ जे रखुंण चहन्ता, से तस गवाई छता, पर जे कोउं में लिए अपु प्राण देन्ता, से तेस मेई घेन्ते।

यीशु तस जे बोलु, “जे कोउं अपु हथ हिएटुड़ पुठ रख कइ पतूं हेरता से परमेश्वरे राज्ये लेएक नेईं।”

अगर मेह्‍णु पूरा मतोक बि मेई घियाल, पर अपु प्राण जोखिम अन्तर छड़ाल या गवाल त तसे की फायदा असा? कुछ नेईं!

जे कोउं मोउं केआं त में वचनी केआं लजिन्ता, त अउं मनखे कुआ जिखेईं अपु त अपु बोउए शान, होर शुचे स्वर्गेदूती के शान जोई साते दुबारी एन्ता तिखेईं तेस हेर बि लजिन्ता।

त यीशु तेस जे बोलु, “सगालि के खोपर त चड़ी चखुरु के गुल्हे असे, पर अउं जे मनखे कुआ भो, मोउं अपु मगिर नियोकाण जे बि जगाह नेईं।”

होर तेन तेन्हि जे बोलु, “जे कोई में नउ पुठ इसे ईं मठुड़ गभुर अपणान्ता से मोउं अपणान्ता, होर जे मोउं अपणान्ता से मोउं लंघाणे बाड़े बि अपणान्ता। किस कि तुसी बुच जे सोबी केआं मठुड़ असा, सेईंए परमेश्वरे राज्य अन्तर बोडा असा।”