Popular Bible Verses from लूका 10

Share

हेरे, मेईं तुन्धे कीड़े त बिच्छु पुठ हंटणे, त दुश्माणे सोब ताकत पुठ हक दुतो असा। होर केसेरी बेलि तुसी किछ ना भुन्तु।

प्रभु तस जे बोलु, “मार्था, ओई मार्था; तु सुआ चीजी के बारे सोचती त थकी बि घेन्ति। पर यके बोके बारे सोचुण जरूरी असु, जे कि ‘में बोक शुणुण’। मरियम तस करण जे चुणो असी जे तस केईआं ना छुड़केईन्‍तु।”

तेन बोलु, “नियम अन्तर लिखो असु, ‘तु प्रभु, अपु परमेश्वर जोई अपु पूरे मन, त पूरे प्राण त पूरी शक्ति जुए परेम कर। त अपु भेयाड़ जुए अपु बराबर परेम कर।’”

तेन तेन्हि जे बोलु, “फसली बग त सुआ असे, पर कमुणे बाड़े थोड़े ईं असे। त मालिके छनेअरे करे कि बग लुणुण जे कमुणे बाड़ी लंघाए।

अब तें समझ अन्तर आ ना जे मेह्‍णु डाकु कुटो थिआ, एन्हि टोहिए बुच तसे सही भेयाड़ कोउं भो?” त तेन धर्मशास्त्री बोलु, “जेन तस पुठ दाह की, से।” यीशु तस जे बोलु, “गा त तु बि इरुह कर।”

घिए; हेरे! अउं तुसी तीं लंघान्ता जीं कोई शेंखु बुच ढडुड़ रखता।