Popular Bible Verses from लूका 7

Share

तोउं त अउं बोता कि एसे सुआ परेम जोई मोउं धराण हरालतु कि एसे सुआ पाप माफ भोई गो असे। पर जेसे धिक भइ पाप माफ भो असा, से घट परेम कता।” तोउं तेन तेस जिल्हाणु जे बोलु, “तें सोब पाप माफ भुए।”

त यीशु तेस जिल्हाणु जे बोलु, “मोउं पुठ तें विश्वासे ईं तु बचाई छइ। खरी भोई कइ गा।”

त तसे भेएड़ एई कइ तसे खुरी पुठ रोलुण लगी। अपु आंखु बइ तसे खुर सैले। अपु झशुड़े बइ तसे खुर साफ की त तसे खुर घड़ी घड़ी फोकड़ियाई कइ मुश्कदार तेल ला।

तोउं त अउं अपफ ना आ कि अउं तुं सामणे एई सकुं। तुस तठिआ निआंग दिए त में नौखर सुसुरी घेन्ता। किस कि अउं बि होरी पड्डे कम कता, त में पड्डे बि होरे सपाही असे। जपल अउं यक जेईं जे बोता कि ‘गा!’ से घेन्ता; त होरे जे बोता ‘आ!’ त से एन्ता; जपल अउं अपु नौखरी जे बोता ‘इस कम कर!’ त से तस कता।” ई शुण कइ यीशु हैरान भोई गा त तसे पता जतु मेह्‍णु अओ थिए, पतूं खिरक कइ तेन्हि जे बोलु, “अउं तुसी जे बोता कि मोउं पूरे इस्राएली मेह्‍णु अन्तर बि अत विश्वास करणे बाड़ा ना मेईंया।”

तिखेईं यीशु सुआ बीमार मेह्‍णु ठीक किए, त जे दुष्ट आत्मा बेलि परेशान थिए, त अन्हे थिए से सोब ठीक कइ छड़े। त तेन तेन्हि जे बोलु, “जे बि तुसी हेरो त शुणो असु, घेई कइ सोब यूहन्ने जे बोलीण दिए। बोले कि अन्हे से हेरते, लटे से हंटते, कोढ़ी ठीक भोई घेन्ते, टौणे से शुणते त मरो से जीएईंते, होर जे कंगाल असे तेन्हि खुश खबरी शुणान्ते।