Popular Bible Verses from लूका 6

Share

देण दिए त तुन्धे बि दीइन्तु। परमेश्वर तुन्धे तेस मेह्‍णु ईं देन्ता, जे राउन बइ सुसुर नाप नुपि, हउ दबाई कइ, त भरी कइ देन्ता। किस कि जेन नापे बइ तुस होरी जे नापते, तसे नापे बइ मेह्‍णु तुसी जे नापते।”

खरा मेह्‍णु अपु मन अन्तर जे खरु असु तस बेलि भली बोक बोता, त दुष्ट मेह्‍णु बि अपु दिले अन्तर जे बुरु असु तस बेलि बुरी बोक बोता। किस कि जे मन अन्तर भरिए असु, सेईंए मुंह बइ निस्तु।”

पर तुस अपु दुश्माण जोई परेम करे। होरी के भलाई करे त दुबारी ना मेणे उम्मीद रख कइ उधार दिए। तोउं, तुं लिए बोडा फल भुन्ता त तुस सर्व शक्तिमान परमेश्वरे गभुर बोलिन्ते, किस कि से बुरे त गुणे लिहाज न रखणे बाड़ी पुठ बि दाह कता।

जिरुह तुं स्वर्गे बोउ दाहपोरा असा, तिरुह तुस बि दाहपोरे बणे।”

“केसेरी पंची ना करे त तुं बि पंची ना भुन्ति। केसे पुठ दोष ना ला ताकि तुसी पुठ बि कोई दोष ना लगाल। माफ करे त तुस बि माफ करिन्‍ते।

“पर अउं तुसी जे, जे ध्यान जुए में शुणते, बोता कि अपु दुश्माण जोई परेम करे। जे तुसी हेर नफरत कते, तेन्के भलु करे। जे तुसी शराप देन्ता तेन्हि जे तुस अशुश दिए। जे तुं बेज्जती कते, तेन्के लिए तुस दुआ करे।

जीं तुस चहन्ते कि मेह्‍णु तुसी जोई करे, तुस बि तेन्हि जोई तिहांणि करे।”

जे तुं यक अलोकड़ि पुठ चटाका देन्ता त होरी अलोकड़ि बि धरे; त जे तुं झिणे जब्बरदस्ती नेन्ता, तेस अपु फुलोणे टलिड़ नेण केआं बि ना रोके। जे कोउं तुसी केआं मगेल तसे धे दिए, होर जे कोउं तुसी केआं छुड़काल, तेस वापिस ना मगे।

“कोई बि ईं अब्बल बुटा नेईं जे कि कुस्तुरा फल देन्ता, होर ना कोई कुस्तुरा बुटा असा जे कि अब्बल फल देन्ता।

हर यक बुटा अपु फल जुए पिछाणीन्ता। किस कि मेह्‍णु कांटे बाड़े बुटी केआं अंजीर ना चुणते, होर ना किय्हामिलि केआं दछि किढ़ते।