Popular Bible Verses from लूका 5

Share

जपल से बोक कइ बिठा त शमौन जे नाव तथे डुघो पाणि बुच नेण जे त अपु जाल फटाण जे बोलु ताकि मछली टाइ बटियेल!

शमौने तस जे बोलु, “गुरुजी, असी पूरी रात मेहनत की तोउं बि कुछ ना टाइ बटु। फि बि अउं तुं बोलुण पुठ जाल छता।” जपल तेन्हि जाल छड़े त सुआ मछली जाल अन्तर फसी, त तेन्के जाल टुटुण लगा।

पर से हुसुड़ा छड़ दी कइ, अकेला अरुणि धार अन्तर घेन्ताथ त प्रार्थना कता रेहन्ताथ।

अउं जे अपु अपफ धर्मी समझते तेन्हि ना, बल्कि पापी मेह्‍णु मन बदलीणे बारे बोलुण जे अओ असा।”

ई हेर कइ शमौन पतरस यीशु खुरी पुठ बिठा त बोलु, “ए प्रभु, अउं यक पापी भो। में भेएड़ केआं ओ गा।”

यीशु तेन्हि जे बोलु, “वैद खरे त चंगे मेह्‍णु जे नेईं, बल्कि जे बीमार असे, तेन्हि जे असे।

त जपल तेन्हि नाव औत पुठ अण्हती त सोब कुछ छड़ दी कइ यीशु पता पता गे।

यक फेरि जपल यीशु केसे यक ग्रां अन्तर थिआ, तठि यक कोढ़ी मेह्‍णु आ। यीशु हेर कइ से उटेऊ झड़ा त छनेअरे कते बोलु, “ए प्रभु, अगर तु चहाल त मोउं शुचा कइ सकता।” त यीशु अपु हथे बइ से छुआ त बोलु, “अउं बि ई चहन्ता कि तु शुचा भो” त तिखेईंए तसे कोढ़ मुक गा।

यीशु ठाकणे बावजूद बि तसे ताकती बारे चर्चा पेहले केईआं बि ज्यादी फैलती गई। त मेह्‍णु के सुआ हुसुड़ा तसे बोक शुणुण जे त अपु अपु बीमारी ठीक कराण जे तस केईं एण लगे।