Popular Bible Verses from लूका 15

Share

अर बो आपगै घर कानी चाल पड़यो। बिंगै पिता बिनै दूर ऊं आंता देख बिं पर तरस खायो। अर सांमै भाजगे बिनै काळजै गै लगा लियो अर भोत बिंगा लाड-कोड करया।

क्यूंकै मेरो बेटो झिको मरग्यो आज बो जीग्यो है अर गम'ग्यो हो बो आज लाद'ग्यो है अर बे सारा खुसी मनाण लागग्या।

मैं केऊं कै ईं तरियां ईं जद एक भटकेड़ो पापी परमेसर कनै आवै तो सुरग में इतो आनंद होवै जितो बां निनाणवै धरमी लोगां खातर कोनी होवै क्यूंकै बे भटकेड़ा कोनी हा।

पण अब मैं आपगै पिता कनै जाऊंगा अर केऊंगा, ‘पिताजी, मैं परमेसर गै खिलाफ अर थारी नजरां में भोत पाप करया है।’”

बण केयो पिताजी, “मैं पापी हूं क्यूंकै मैं सुरग अर थारी नजरां में भोत मोटो पाप करयो है। मैं थारो बेटो कुहाण गै लायक कोनी रेयो।”

मानल्यो थारै माऊं किंगै कनै सो भेड़ां है अर बामूं जे एक भेड़ कठैई गमज्यै तो थे बां निनाणवै भेड़ां नै बठै छोड़गे बिं गमेड़ी भेड़ नै ढूंढता कोनी फिरोगा के? जद तांई ना मिलै।