Popular Bible Verses from लूका 14

Share

“जे कोई मेरै सागै आणो चावै अर बो अपणै आपगै सागै अर आपगै परिवार गै सागै मेरूं जादा प्रेम राखै तो बो मेरो चेलो कोनी हो सकै।”

अर झिको आपगो करूस आप ना उठावै अर मेरै लारै ना चालै तो बो बी मेरो चेलो बणण गै लायक कोनी।

क्यूंकै झिको अपणै आपनै मोटो मानैगो बो छोटो करीज्यै'गो। अर झिको अपणै आपनै छोटो मानै बिंगो आदर मान करीजैगो।

ईं तरियां ई थारै माऊं जे कोई आपगो सारो कीं कोनी छोड़ सकै बो मेरो चेलो कोनी हो सकै।

थारै में हिस्यो कुण है झिको घर बणाण ऊं पेलां आपगी जेब ना संभाळै कै कनै गुंजाईस पूरी है के कोनी। कठैई इंया ना हो'ज्यै कै घर गी नींव तो रख ल्यै पण कठैई कंदा ई ना कढै। अर पड़ोसी थारी मजाक उडाण लागज्यै कै बणाण तो बेठग्यो पण कनै पूरी गुंजाईस ई कोनी।

पण तूं जद कोई घरे भोज रखै तो बांगै बदळै में गरीबा, आंधा, लंगड़ा अर टुंडै लोगां नै बुलाए करै। क्यूंकै बांगै कनै तनै देण नै कीं कोनी ईंखातर तूं अपणै आपनै धन्य मानी, बिंगो फळ तनै परमेसर देवैगो जद ईं धरती पर धरमी लोग जी ज्यैगा।”

फेर यीसू केयो, “लूण आच्छो है पण बो खराब होणै गै खातर नमकीन कोनी रयो तो दुबारै के चीज मिलागे बिनै नमकीन बणायो जा सकै। फेर बो कीं काम गो कोनी रेवै। अठै तांई लोग बिनै बारै ई फेंकैगा बिंऊं खाद बी कोनी बण सकै। जे कोई सुणनो चाओ बो सुणल्यो अर समझल्यो।”