Popular Bible Verses from यूहना 16

Share

मैं ऐ बाता थानै ईंखातर कैई कै थानै मेरै द्वारा सांती मिलै। संसार में थानै दुख मिलैगो पण थे होंसलो राखो, मैं संसार नै जीत लियो है।”

पण जद सच्चाई गो आत्मा झिको परमेसर कनूं आवैगो बो सारो सच्च जाणन गै खातर थारी मदद करैगो। क्यूंकै बो आपगै कनूं कोनी केवैगो, पण झिको सुणैगो बो ई केवैगो। बो थानै आण आळी बाता बतावैगो।

अब तांई थे मेरै नाम ऊं कीं कोनी मांग्यो, मांगो तो मिलैगो कै थारी खुसी पूरी हो जावै।

पण मैं थानै साची साची केऊं हूं कै मेरो जाणो थारै खातर आच्छो है क्यूंकै जे मैं ना जाऊं तो मदद करण आळो थारै कनै कोनी आवैगो, पण जे मैं जाऊंगा तो बिनै थारै कनै घाल देऊंगा। बो आवैगो तो दुनियां नै पाप गै बारै में अर धारमिकता गै बारै में अर न्याय गै बारै में गवाई बतावैगो।

थे सारा लोग इंयाई दुखी हो, पण मैं थानै फेर मिलूंगा अर थारो मन खुसी ऊं भर ज्यैगो। अर बिं खुसी नै कोई बदळ कोनी सकैगो। बिं दिन थे मनै फेर देखोगा तो मेरूं कीं कोनी पूछोगा। मैं थानै साची साची केऊं मेरै नाम ऊं पिता कनूं झिको मांगोगा थानै देवैगो।

मैं थानै साची साची केऊं हूं, थे विलाप करोगा अर रोओगा पण ओ संसार राजी होवैगो। थे दुख करोगा पण थारो दुख खुसी में बदळ ज्यैगो।