Popular Bible Verses from यूहना 15

Share

मैं अंगूरा गी बेल हूं। थे बिंगी डाळियां हो। झिको मेरै में रेवै है अर झिकै में, मैं रेऊं हूं बो भोत फळ ल्यावै है क्यूंकै मेरै बिना थे कीं कोनी कर सको।

थे मेरै में रेवो अर मैं थारै में रेऊंगा। जे डाळी अंगूरा गी बेल सागै जुड़गे कोनी रेवै तो फळ कोनी ल्या सकै बिंयाई जे थे बी मेरै में ना जुड़गे रेया तो फळ कोनी ल्या सको।

जे थे मेरै में बण्या रेवो अर मेरी बाता नै मानो तो झिको थे चावो अर मांगो, बो थानै मिल जावैगो।

अर थे मनै कोनी चुण्यो पण मैं थानै चुण्या है अर जिमेदारी दी है। क्यूंकै थे जा'गे झिका आच्छा काम मैं करया बिंयाई कर'गे आच्छो फळ ल्यावो अर थारो फळ बण्यो रेवै। थे मेरै नाम ऊं पिता कनूं झिको मांगोगा बो मिल जावैगो।”

झिको कोई आपगै मित्र खातर जान देवै है बो ई है सारा ऊं मोटो प्रेम है।

झिकी डाळी मेरै में है अर फळ कोनी लागै बो बिनै बाड देवै है अर झिकी डाळी फळ ल्यावै है बिंगी देखभाळ करै है कै बा ओर जादा फळ ल्यावै है।

आ मेरी आग्या है कै आपसरी में प्रेम करो जिंया मैं थारूं प्रेम करयो है।

जद थे भोत सारो फळ ल्यावो तो मेरै पिता नै आदर मिलै है। जद थे दिखो कै सचमुच मेरा चेला हो।

यीसू केयो, “सच्ची अंगूरा गी बेल मैं हूं। अर मेरो पिता देखभाळ करण आळो किसान है।

जे कोई मेरै में ना बण्यो रेवै तो बिं डाळी गी तरियां फेंक दियो जावै है अर बो सूक जावै है। अर लोग बानै भेळी कर'गे आग लगा देवै है अर बे बळ जावै है।

मैं ऐ बाता थानै ईंखातर कैई है कै मेरो आनंद थारै में रेवै अर थारो आनंद भरपूर हो जावै।

मैं आपगै पिता गी आग्या नै मानी है। ईंखातर सदां मैं बिंगै प्रेम में बण्यो रेऊं हूं, बिंयाई जे थे मेरी आग्या नै मानोगा तो मेरै प्रेम में बण्या रेवोगा।

मैं थानै ओ उपदेस देऊं कै थे एक दूसरै ऊं प्रेम करो।

अर जे थे बेर राखण आळा बरगा होवंता तो बे थारूं प्रेम करता क्यूंकै थे बी पेलां बांगै जिसा काम करता। पण अब थे संसार गा कोनी हो। मैं थानै ईं संसार मू चुण लिया है। ईंखातर बे थारूं बेर राखै है।