Popular Bible Verses from यूहना 14

Share

मैं थानै आपगी सांती देगे जाऊं हूं। मैं आप थानै आपगी सांती देऊं हूं। जिंया संसार सांती देवै है बिंया कोनी देऊं। थारो मन दुखी ना होवै अर ना डरै।

यीसू बानै केयो, “मैं ई रा, सच्चाई अर जीवन हूं। मेरै बिना कोई बी पिता कनै कोनी जा सकै।

“थारो मन दुखी नई होणो चईयै। परमेसर में बिस्वास राखो अर मेरै में बी बिस्वास राखो।

पण मदद करण आळी पवितर आत्मा झिको पिता मेरै नाम ऊं भेजैगो बा थानै सारो कीं बतावैगो अर झिको मैं थानै केयो है बो थानै याद करावैगो।

झिका मेरी आग्या नै मानगे बिंगै उपर चालै है बे मेरूं प्रेम करै है। झिका मनै प्रेम करै है बानै मेरो पिता बी प्रेम करै है। अर मैं बी बिंऊं प्रेम करूंगा। अर मैं अपणै आपनै बिं पर परगट करूंगा।”

मैं पिता ऊं बिनती करूंगा अर बो थानै मदद करण आळो देवैगो झिको थारै सागै सदां रेवैगो। बो मदद करण आळो सच्चाई गो आत्मा है। ईं दुनिया में बिनै कोई कोनी मानै। क्यूंकै ईं दुनिया में बिनै देख्यो कोनी अर जाण्यो बी कोनी। थे बिनै जाणो हो क्यूंकै बो थारै सागै रेवै है अर आ'गै बी थारै सागै रेवैगो।

झिका मेरै उपर भरोसो राखगे कीं मांगोगा तो बो ई मैं करूं क्यूंकै मेरै द्वारा पिता नै आदर मिलै। जे थे मेरै पर भरोसो राखगे कीं मांगोगा तो मैं बिंयाई दे दैयूंगा।

जे थे मेरूं प्रेम करो तो मेरी आग्या नै मानोगा।

मेरै पिता गै घर में रेण खातर भोत जिग्यां है। मैं थारै खातर जिग्यां तैयार करण खातर जाऊं हूं। जे जिग्यां ना होवंती तो मैं थानै बता देवंतो।

अर मैं बठै जाऊंगा अर थारै खातर जिग्यां तैयार करूंगा तो मैं फेर अठै आऊंगा अर थानै आपगै सागै ले जाऊंगा कै जठै मैं रेऊं बठै थे बी रेओ।

थोमा केयो, “म्हे कोनी जाणा प्रभु थे कठै जाण लागरया हो? फेर म्हे बठै गो रा किंया जाण सकां हां?”