Popular Bible Verses from यूहना 13

Share

मैं थानै एक नुई आग्या देऊं हूं कै एक दूसरै ऊं प्रेम राखो जिंया कै मैं थारूं प्रेम राख्यो। बिंयाई थे बी एक दूसरै ऊं प्रेम राखो। जे आपसरी में प्रेम राखोगा तो इंयूं ई सारा जाणैगा कै थे मेरा चेला हो।”

जे मैं प्रभु अर गुरू होगे एक दास बणगे थारा पग धोया है बिंयाई थानै बी एक दूसरै गा पग धोणा चईयै। क्यूंकै जिंया मैं थानै एक नमुनो दिखायो है जिंया मैं थारै सागै करयो है बिंयाई थे बी करो।

यीसू बिनै उतर दियो, “झिको मैं करूं हूं तूं बिनै अब कोनी जाणै पण इंगै बाद में समझैगो।”

मैं थानै साची साची केऊं हूं, दास आपगै स्वामी ऊं मोटो कोनी होवै अर ना'ई भेजण आळो आदमी भेजेड़ै आदमी ऊं छोटो होवै।

झिको मैं थानै अबी कर'गे दिखायो है, बो थानै समझ आयो है। ईंखातर जे थे बिंयाई करोगा तो परमेसर थानै आसिस देवैगो।

ईंखातर बो रोटी छोड़गे खड़यो हो'ग्यो। बण उपर पेरेड़ा गाबा उतार दिया। अर साफो लेगे आपगी कड़तू बांध ली। जद एक बठळ में पाणी घालगे चेला गा पग धोया अर झिको साफो आपगी कड़तू गै बांदयो हो। बिंऊं पूछण लागग्यो।