Popular Bible Verses from Juan 16

Share

ꞌËmi catamëtími chuámashirua ꞌaish upitax ꞌicánun cana ënë banacama mitsu ñuixuan. Ënë nëtënuax camina mitsux ꞌënan cupía mitsumi nishquin unin ꞌatimocë ꞌinuxun ꞌain. Usai ꞌibi camina bënëtima ꞌëmi cushicanti ꞌain. An ënë menu ꞌicë unicama ꞌibuacë ꞌicëbi cana ꞌën ñunshin ꞌatimanën ꞌapu ñusmon.

ꞌAínbi ca Nucën Papa Diosan Bëru Ñunshin Upí, an Nucën Papa Diosan sináncë ñucama ꞌunáncë, an mitsubë ꞌixun, ꞌën mitsu ñuixuncë banacama ax cara uisaira quicë ꞌicë quixun mitsu ꞌunánmianan uisa ñucamax cara upí ꞌicë mitsu ꞌunánmiti ꞌicën. An ca anbi sináncësa oquinma, Nucën Papa Diosan cacëxuan cuacë ñucamaishi mitsu ꞌunánmiti ꞌicën. ꞌUnánmianan ca uisai cara ꞌën unicama ënë nëtënuax ꞌianan Nucën Papa Diosan nëtënuaxribi ꞌiti ꞌicë quixun mitsu ꞌunánmiti ꞌicën.

ꞌËnan ꞌixunbi camina ꞌëx quicësabi oquin añu ñubi Nucën Papa Dios ñucácancëma pain ꞌain. Ca ñucát. Ñucácëxun ca cuëëinra cuëënun an mitsu ꞌaxunti ꞌicën.

Usai ꞌiabi cana asérabi mitsu cain, upitaxmi ꞌë cupí ꞌicanun cana ꞌëx cuanin. ꞌËx cuancëbëma ca an uni ꞌaquinti, Nucën Papa Diosan Bëru Ñunshin Upí, ax mitsubë ꞌi utima ꞌicën. Usa ꞌaínbi cana ꞌëx cuanquin a xuti ꞌain. An ca Nucën Papa Diosan bana cuacëma unicama atux ca ꞌuchañu ꞌicë quixun ꞌunánmianan, usai ca ꞌëmi catamëti, uni upí nuituñu ꞌiti ꞌicë quixun ꞌunánmianan, Nucën Papa Diosan ca ꞌëmi sináncëma unicama atun ꞌucha cupí castícanti ꞌicë quixun ꞌunánmiti ꞌicën.

Usaribiti camina mitsux bërí masá nuitutin, ꞌaíshbi camina ꞌë istëcëni cuëënquin chuámashirua tanti ꞌain, uinu ꞌicë unínbi sinanamitisama oi. A nëtën camina uisai quicë cara ꞌën mitsu cacë bana ënëx ꞌicë quixun ꞌë ñucánuxunma ꞌain. Asérabi cana mitsu cain, ꞌëx quicësabi oquinmi a ñucácëxun ca Nucën Papa Diosan mitsu ꞌaxunti ꞌicën.

Asérabi cana ꞌën mitsu cain, ꞌë cupí camina masá nuituti bëunan mëscúcanti ꞌain. Mitsúxmi usai ꞌimainun ca an Nucën Papa Diosan bana cuacëma unicama cuëënti ꞌicën. Masá nuitutáncëxbi camina mitsux ꞌë cupí chuámarua tani cuëënti ꞌain.