Popular Bible Verses from Juan 17

Share

Usa ꞌain camina min sináncësaribi oquin sinánan min bana quicësabiira oíshi ꞌinun atu ꞌimiti ꞌain.

Ui unin cara mixëshimi asérabi Dios ꞌicë, mi ꞌunánan minmi ënë menu unun xuá, ꞌë ꞌunáncë, a unicamaxëshi ca xënibua ꞌaínbi minan ꞌaish mibë ꞌiti ꞌicën.

ꞌIxunbi cana ënë unicamaishi mi ñucaxuniman. Atúan bana ñuixuncëxun cuatía ax ꞌëmi catamëti unicamaribi sinánquin cana mi ñucatin. An ꞌën bana cuati unicaman, ꞌëmi catamëquin, bëtsin sináncësaribi oquin sinánti cupí cana mi ñucatin. Mixmi ꞌëbë ꞌimainun ꞌëx mibë ꞌicësaribitia nun sinánsaribi ꞌaish atux nubë achúshisa ꞌinun cana mi ñucatin. Ënë nëtënu ꞌicë unicaman, asérabi camina min ꞌë xuacë quixun ꞌunánuan atux bëtsin sináncësa oquinshi sinani, ꞌitsa ꞌaíshbi achúshisa ꞌinun cana mi ñucatin.

Ënë nëtënuami atu binun quixun cana mi ñucatiman. An min bana cuacëma unicamaxa atumi nishcëbëtanbimi ñunshin ꞌatimanën ꞌapun ꞌibuati rabanan bërúanun quixun cana mi atu ñucáxunin.

Nux cananuna rabë́ ꞌaíshbi achúshishi ꞌain. Usaribitia atux ꞌitsa ꞌaíshbi achúshisaishi ꞌinun cana ꞌëx misaribi ꞌixun atúxribia ꞌësaribi ꞌinun ꞌimian. Mix ꞌëbë ꞌicësaribiti cana ꞌëx atubë ꞌain, atúxa asérabi nuibanani bëtsin ꞌacësaribi oquin sinani achúshisa ꞌinun. Atúxa usa ꞌain ca an min bana cuacëma unicaman ꞌunánti ꞌicën, asérabi camina min ꞌë xuacë quixun. ꞌUnánan ca, ꞌëmi ꞌacësaribi oquin camina an ꞌën bana cuacë unicama nuibati quixun ꞌunánti ꞌicën.