Popular Bible Verses from માર્ક 15

Share

બફોર ના લગ-બગ તાંણેંક વાગ્યે ઇસુવેં જુંર થી સિસાએં નેં કેંદું, “ઈલોઈ-ઈલોઈ, લમા શબક્તની?” ઝેંનો અરથ એંમ હે, “હે મારા પરમેશ્વર, હે મારા પરમેશ્વર, તેં મનેં હુંકા સુંડ દેંદો?”

એક રોમી સેના નો અધિકારી ઝી ઇસુ નેં હામો ઇબો હેંતો, ઝર હેંને હેંનેં એંમ સિસાએં નેં મરતં ભાળ્યુ, તે હેંને કેંદું, “હાસેં હાસ આ માણસ, પરમેશ્વર નો બેંટો હેંતો!”

અનેં વેયો મુંટો પડદો ઝી મંદિર મ ટાંગેંલો હેંતો, ઝી બદ્દ મનખં નેં પરમેશ્વર ની હાજરી મ ભરાવા થી રુંકતો હેંતો, ઇપેર થી નિસં તક ફાટેંનેં બે ટુકડા થાએંજ્યો.

તર ઇસુવેં જુંર થી સિસાએં નેં જીવ કાડ દડ્યો.

બફોર ના બાર વાગ્યે આખા દેશ મ ઇન્દારું થાએંજ્યુ, અનેં બફોર ના લગ-બગ તાંણ વાગ્યા તક ઇન્દારું થાએંલું રિયુ.

તર પિલાતુસેં ભીડ ન મનખં નેં ખુશ રાખવા ની આહ થકી બરઅબ્બા નેં હેંનં હારુ સુંડ દેંદો. અનેં ઇસુ નેં કોડા વવાડેંનેં રોમી સેનાનેં હુંપેં દેંદો કે હેંનેં ક્રૂસ ઇપેર સડાવા મ આવે.