Popular Bible Verses from एहुन्‍ना 16

Share

ईञाः चलते ते अपे सान्ति ञमुः लगाडिंञ कहनी तेडा। नआँ दुनिया रे अपे थरे बिपेत मेजुआ, लेकिन हिम्मत अलोपे टोवीजे, इंञ नआँ दुनिया वरिंञ जीतो यना।”

सत आत्मा मेजुः रेदो, भगवान राः बारे ते सत होर लाय वपेआ, कहेकि हेंय अपन मन ते एरोय कहनी तेडा, लेकिन हेंय भगवान वरी अँजोम केतेय लाय वपेआ, अवुर मड़ंग हँडे ची होयाआ, हेना राः बारे तेहोय लाय वपेआ।

निहों मेनते अपे इंञ ञुमू ते कनर बेगर पे असिआ; असिय रेदोय ओवा पेआ ताकि अपे राः खुसी भरपूरुऊ।”

हेंडे रेहो इंञ अपे थरे सही मेतेंञ कहनी यडा, इंञ चलोः तन हेना अपे लगड बढ़ियाँ गिआ, कहेकि इंञ मेनेंञ सेनुः रेदो, सहेता ए-माय अपे थरे एरोय मेजेना; लेकिन इंञ चलोः तनाञूँ, अवुर हेंय अपे थरेंञ कुलेया। अवुर हेंय मेजकोःते दुनिया रेनकू होड़कू थरे पाप ची हवे, अवुर भगवान राः नँजेर रे धरमी ची हवे, अवुर न्याय ची हवे मेनाअय समझो कुआ।

हेन घयते अपे थरे हो निहों दो दुख इदाना, लेकिन अपे सुदा फेरिंञ जुमोआ; अवुर अपे हेना रेपे बहालिआ। अवुर अपे बहालीः हेना कनय एरो कू लुसी सको एना। हेना चेका अपे इंञ फेर पे ञेंलेञाँ, हेना रे कनर एरो पे असी तेडिञाँ, इंञ अपे थरे सही सही तेंञ कहनी यडा, अगर अपा थरे कनारा पे असी रेदो, हेंय इंञ ञुमू तेय ओवा पेआ।

इंञ अपे थरे सही सही तेंञ कहनी यडा, पसतो अपे अवुर अपे ईया मपे, लेकिन दुनिया रेनकू खुसी कू मनोआँ; अपे दुख लगोआ, लेकिन अपे राः दुख खुसी रे बदलोआ।