एहुन्‍ना 16

1“अपे थरे नआँ टेबोः इंञ बिसवास वरी अलोपे भटकोः लगाडिंञ कहनी तेडा। 2हेंकू अपे एहूदिकू राः आराधना ओड़ाः वरी कू उडूंग पेआ। अवुर होड़कू अपेकू ञेंड गोज पेआ, हेना समय मेजुः तना अवुर हेंकू पसींदेआकू कि इंञ भगवानिंञ सेवा यडा मेनते। 3हेंकू अपुंञ अवुर इंञ मेने कू पपाड़ी तना, हेनाते नआँ घयतेकू करो वेआ। 4हेनाते इंञ नआँ टेबोः अपेंञ लाय वपे तना, नेंदोरा होया राः समय मेजुः रे अपे उहयरता लगड पहील तेंञ लाय वडपेआ। इंञ अपे सुदा मियाँ मियाँ तेंञ दोहो एना, हेनाते नआँ टेबोः सुरू रे मेनेंञ लाय गडपेआ।

पवितर आत्मा राः काम

5अब ईञिय कुलकेडा, हेनी हनतेंञ चलोः तना, अवुर अपे मेंडे ‘का हनतेम चलोः तना मेनते हो कनय मेने पे होंबोर यडिञाँ?’ 6नआँ टेबोः अपे थरेंञ कहनी तेडा, हेनाते अपे राः जीव खोट यना। 7हेंडे रेहो इंञ अपे थरे सही मेतेंञ कहनी यडा, इंञ चलोः तन हेना अपे लगड बढ़ियाँ गिआ, कहेकि इंञ मेनेंञ सेनुः रेदो, सहेता ए-माय अपे थरे एरोय मेजेना; लेकिन इंञ चलोः तनाञूँ, अवुर हेंय अपे थरेंञ कुलेया। 8अवुर हेंय मेजकोःते दुनिया रेनकू होड़कू थरे पाप ची हवे, अवुर भगवान राः नँजेर रे धरमी ची हवे, अवुर न्याय ची हवे मेनाअय समझो कुआ। 9अवुर हेंय इंञ थरे मेने कू बिसवास गड हेना, पाप#एहुन्‍ना 7:7; 8:24; परेरित 2:38; 2 पतरस 3:9 केडा पे मेनतेय समझो कुआ। 10अवुर दुनिया रेनकू सही मेते भगवान राः नँजेर रे धरमी#मत्ती 5:20; एहुन्‍ना 9:5; रोमि 14:17 कोवा कुआ, हेनाते हेंकू धरमी बनोः राः बारे ते समझो कुआ। लेकिन ईनिंञ भर भगवान राः नँजेर रे धरमी गिआञूँ, हेनाते इंञ अपुंञ हनतेंञ चलोः#16:10 ईसु अपत हनतेय चलोः तना हेनाते धरमी गिअय तना, अवुर अपे फेर एरो पे ञेंलतेडिञाँ। 11अवुर हेंय भगवान #एहुन्‍ना 12:31-32; इबरानी 2:14; लूका 10:18; 1 एहुन्‍ना 3:8न्यायेः राः बारे तेय समझो कुआ कि दुनिया रेनिय राजा मतलोब सयतान सजा ओवाय लगड भगवान पहील तेय न्याय#16:11 सयतान लगड न्याय चुको केडा, हेनाते पवितर आत्मा होड़कू नआँ सिक्छा ओवा कुआ, कि अगर अपे मन मेने पे बदलो अवुर ईसु थरे मेने पे बिसवासे रेदो अपे हो सयतान घयते नरक राः सजा ञमुआँ। चुको केडा।”

12इंञ अपे समझो पे लगड अवुर अखीर टेबोः ललाय इदाना, लेकिन निहों हेना एरो पे सहो सको एना। 13सत आत्मा मेजुः रेदो, भगवान राः बारे ते सत होर लाय वपेआ, कहेकि हेंय अपन मन ते एरोय कहनी तेडा, लेकिन हेंय भगवान वरी अँजोम केतेय लाय वपेआ, अवुर मड़ंग हँडे ची होयाआ, हेना राः बारे तेहोय लाय वपेआ। 14हेंय ईञिय मान मरजादिञाँ, कहेकि हेंय जे-ना इंञ कहनी वया, हेना अँजोम केतेय लाय वपेआ। 15अवुर जे-ना अपुंञ राः हवे, हेना सींड़ ईञाआँ हवे; हेनाते इंञ कहनी तेडा, हेंय जे-ना इंञ कहनी वया, हेना अँजोम केतेय लाय वपेआ मेनते।

दुख सुख रे बदलोआ

16“अवुर इंञ मियाँ घड़ी रे एरो पे ञेंलतेडिञाँ, अवुर फेर मियाँ घड़ी रेपे ञेंलेञाँ।” 17तहाँ अवुराःकू चेला कुतय अकू अकू कहनी ओड़ेंग एना, “नआँ ची टेबोः अबू थरेय कहनी यडा, ‘मियाँ घड़ी रे एरो पे ञेंलतेडिञाँ, अवुर फेर मियाँ घड़ी रेपे ञेंलेञाँ, अवुर इंञ अपाः हनतेंञ चलोः तना मेनाआँ’?” 18हेना वरी हेंकू कहनी तेडा, “न मियाँ घड़ी मेनतेय कहनी यड हेना राः ची मतलोब हवे? मेने जे-रुःतना।” 19तहाँ ईसु नेकू इंञ थरे होंबोर गिसन यडकुआ मेनाअय पपाड़ियानू। हेना वरिय कहनी वडकू, “इंञ कहनी केडा ‘मियाँ घड़ी रे एरो पे ञेंलतेडिञाँ, अवुर फेर मियाँ घड़ी रेपे ञेंलेञाँ’ मेनतेंञ टेबोः केड हेना राः बारे ते, अनापे अनापे होंबोर ओड़ेंग तना किदो? 20इंञ अपे थरे सही सही तेंञ कहनी यडा, पसतो अपे अवुर अपे ईया मपे, लेकिन दुनिया रेनकू खुसी कू मनोआँ; अपे दुख लगोआ, लेकिन अपे राः दुख खुसी रे बदलोआ। 21जेयसे कोड़ीहोन बले हँबुड राः दिन पुरती जोम रे हेंय दुख रेय दोहोना, लेकिन हेंय बलेय हँबुड के वरी तयोम तेय खुसी जोमा, कहेकि हेंय दुनिया रे मियाँहोड़ अवुरिय जनम केना मेनाअतेय खुसी जोमा, अवुर तयोम ते हसुय हेनाय लीड़िंञ गोत्तेआ। 22हेन घयते अपे थरे हो निहों दो दुख इदाना, लेकिन अपे सुदा फेरिंञ जुमोआ; अवुर अपे हेना रेपे बहालिआ। अवुर अपे बहालीः हेना कनय एरो कू लुसी सको एना। 23हेना चेका अपे इंञ फेर पे ञेंलेञाँ, हेना रे कनर एरो पे असी तेडिञाँ, इंञ अपे थरे सही सही तेंञ कहनी यडा, अगर अपा थरे कनारा पे असी रेदो, हेंय इंञ ञुमू तेय ओवा पेआ। 24निहों मेनते अपे इंञ ञुमू ते कनर बेगर पे असिआ; असिय रेदोय ओवा पेआ ताकि अपे राः खुसी भरपूरुऊ।”

ईसु भूतकू रेनिय राजाय नासा

25“इंञ नआँ सगोर टेबोः अपे उदाहरड़ दे-दे तेंञ लाय वडपेआ, हेना समय मेजुः तना, फेर अपे थरे उदाहरड़ दे-दे ते एरोंञ कहनी तेडा, लेकिन डिटोह ते अपुंञ राः बारे तेंञ लाय वपेआ। 26हेना चेका अपे इंञ ञुमू तेपे असिया; इंञ मेनेंञ कहनी यडा कि इंञ अपे लगड अपा थरेंञ बिनतीआ मेनते। 27कहेकि अपे खुद अपुंञ परेम पेआ, कहेकि अपे इंञ पे परेम तेडा, अवुर इंञ अपुंञ हनवरिंञ मेजकेन हेना होपे बिसवास यडा। 28इंञ अपुंञ हनवरी नआँ दुनिया रेंञ मेजकेना; फेर नआँ दुनिया बगी वते अपुंञ हनतेंञ चलोः तना।”

29हेना वरी चेला कुतय कहनी तेडा, “निहों दो अम फरी फरी तेम लाय यडा, अवुर कनारा उदाहरड़ देय ते मेनेम कहनी यडा। 30अब अले पपाड़ियानाले, अम सींड़ मी पपाड़िआ। अवुर अम थरे कनार सवाल होंबोर राः जरूरत कोवाआ, हेनाते अले बिसवास यडा कि अम भगवान हनवरिम मेजकेना।”

31नआँ अँजोम केते ईसु हेंकू थरेय कहनी तेडा, “निहों पे बिसवास दूदुः केडा किदो? 32अँजोम पे, हेना समय मेजुः तना, बल्कि मेजियाना अपे सींड़कू अलग तलग कोःते अपन झपन होर पे तियागा, अवुर इंञ मियाँहोड़ तेपे बगी वञाँ; हेंडे रेहो इंञ मियाँहोड़ ते कोवाञाँ, कहेकि अपुंञ इंञ सुदाया। 33ईञाः चलते ते अपे सान्ति ञमुः लगाडिंञ कहनी तेडा। नआँ दुनिया रे अपे थरे बिपेत मेजुआ, लेकिन हिम्मत अलोपे टोवीजे, इंञ नआँ दुनिया वरिंञ जीतो यना।”

Currently Selected:

एहुन्‍ना 16: ksz

Highlight

Copy