Popular Bible Verses from एहुन्‍ना 15

Share

इंञ अंगूर दुबीत हवे, अपे लरंग तू हवे, जे इंञ सुदाय जुड़ो बगी कोआ, इंञ हेंय सुदांञ जुड़ो बगी कोआ, अवुर हेंय फालिय आगा। कहेकि अपे इंञ वरी बेघर कोःते कनर एरो पे करो सको एना।

अगर अपे इंञ थरे पे दोहोन रेदो, इंञ हो अपे थरेंञ दोहोना। जेयसे लरंग तू दुबीत रे मेने जुड़ो बगी कोः रेदो अपने अपन ते एरो जो-एना, हेन घयते अपे हो इंञ थरे मेने पे जुड़ो बगी कोः रेदो, अपे फल एरो पे अग सको एना।

अपे इंञ सुदा पे जुड़ो बगी कोः रेदो, अवुर ईञाः टेबोः राः अनुसार ते जीवन पे बितो रेदो, भगवान थरे जे-नपे असी, हेनाय ओवा पेआ।

इंञ अपे बेगर पे चुनो विञाँ, बल्कि इंञ अपेंञ चुनो केडपे तेंञ चड़ाँ केडपेआ। ताकि अपे सेनकोःते फल पे आगू, अवुर अपे राः फल बनो बगी कोऊ, अवुर अपे इंञ ञुमू ते जे-ना अपा थरे पे असियू, हेंय अपेय ओवापे।

नआँ वरी बडेआ परेम कनय राः कोवाआ कि अपन गतिकू लगड जीवितिय ए-मू।

अवुर जे नरंग इंञ वरी नरंग केना, अवुर हेना मेने जोः रे, अपुंञ गेर गोत्ते अयू, अवुर जोः हेना नरंग अवुर जोः लगाडिय कुड़गो वेआ।

ईञाः हुकूम नआँ हवे कि जेयसे इंञ अपेंञ परेम केडपेआ, हेन घयते अपे हो परेम ओड़ेंग पे।

अवुर अपे अखीर ते फल पे अग रेदो, भगवान राः मान मरजाद होयाआ। नआँ घयतेपे करोवे रेदो, अपे सही मेते ईञाःकू चेलाकू हवे।

सहिआ अंगूर नरंग इंञ हवे, अवुर अपुंञ किसान हवे।

अगर कनय इंञ सुदा मेनेय जुड़ो बगी कोः रेदो, हेंय जेयसे नरंग तू गेरके तेकू घिर गोत्तेआ, अवुर लोहोड़ जोम तहाँ होड़कू जवर केते सेंगेल रेकू तुयाँग लोया, हेंय हेन घयगी अयू।

अवुर ईञाः मन हवे कि जेयसे इंञ अखीर खुसी तेंञ दोहोना, हे-ना खुसी अपे हो भरपूर ते ञँमुऊ। हेनाते इंञ नआँ सींड़ टेबोः अपे थरेंञ कहनी तेडा।

इंञ अपुंञ राः हुकूमिंञ मनो केडा, हेनाते इंञ हमेसा हेंय राः परेम रेंञ दोहोना। हेन घयते अपे हो अगर ईञाः हुकूम पे मनो रेदो, ईञाः परेम रेपे दोहोना।

अपे एटाःकू सुदा परेम पे रखो लगड, नआँ सींड़ टेबोः अपे थरेंञ हुकूम यडा।

अगर अपे दुनिया रेनकू होड़कू घयतेपे दोहोएन रेदो, हेंकू अपन होड़कू घयतेकू परेम तेडपे मेनू। लेकिन अपे दुनिया रेनकू होड़कू घयते कोवा पेआ, बल्कि अपे दुनिया रेनकू होड़कू वरिंञ चुनो केडपेआ, हेनाते अपे दुनिया रेनकू मेने कू बेस वपेआ।