Popular Bible Verses from Yuuẖanna 16

Share

Nyi gwabiŋaijaje dhuŋuna ibidha, a nyaŋa luthi audhaijiyuŋw galo diginy. Manyaje kidhila liji laji lajin dhagirini; abi iŋiriyul dugore; nyi gwimadhinyi gidhileo.

Abi maji ma Dhigirim dha dhuŋun dhina dhiro titiganu ula, dhaji dhajaŋajo dhuŋuna peth dhina dhiro titiganu; ŋinena athathuŋw abiŋudhi dugun no; abi dhuŋun peth dhina dhaji dhuŋwdiŋini dhaji dhuŋwabiŋi; a dhaji dhajaŋajo dhuŋuna dhina dhaji dhila.

Ro kwereny a di ŋinena nyaŋa lati limuthe galo dhuŋun dhai dheda gi jiriny jiny no. Uthul galo, danya apai, a nyaŋa liŋir dugore gwuleny.

Abi nyi gwa gwabiŋaijaje titiganu, ŋajaici, Gwiŋiranu dajilijo; abi ada nyi gwati gwimalo no, Gwimiri gwati gwuladha dagalo no; abi ada nyi gwimalo, a nyi gwaji gwukeja Gwimira dagalo. A maji muŋwula, gwathi gwaŋeŋira lijo la gidhila gi dhuŋun dhike, a gi dhuŋun dhiŋir, a ẖukm.

A ŋinena ko nyaŋa lirunu; abi nyi gwaji gwajaŋa manaŋ, a nyaŋa laji liŋir dugore, a dhuŋun dhalo dha dhiŋir dugore dhati dhaji kwiji gweda wala dagalo no. A gi lamun ibile nyaŋa lati linyothaije galo dhuŋun dhai dheda no. Titiganu, titiganu, nyi gwa gwacaijinu, Dhuŋun peth dhina dhaji dhanya dhothaije Babuŋw galo gi jiriny jiny, dhaji dhajidhedha.

Titiganu, titiganu, nyi gwa gwacaijinu, Nyaŋa laji lare a laruni, abi liji la gidhila laji liŋir dugore; nyaŋa laji lake dugore, abi dhuŋun dhalo dha dhike dugore dhaji dhurle galo a dharo dha dhiŋir dugore.