Popular Bible Verses from Yuuẖanna 15

Share

Nyi gwiro dhugur, a nyaŋa liro durna; gwina gwathije diginy, nyije dugun, a ŋeda gwarire fruuta gwoinyadho; abi ada nyi gwati gwimaje no, nyaŋa lati luthi ŋoma lapai dhuŋuna dheda no.

Jul diginy, nyije dagalo. Gwiro ŋinena athi dhurna dhati dhuthi ŋoma dirire fruuta gwiren, ada dhati dhimaje gi dhugur no; a minoŋ ko nyaŋa lati luthi ŋoma, ada nyaŋa lati limaje diginy no.

Ada nyaŋa limaje diginy, a dhuŋun dhiny je dagalo, a dhuŋun dhina dhanya dhotha galo dhina dhibupanya dhaji dhajupijo.

Nyaŋa lati luthiny ganu no, ŋajibi utha ganu, ŋajiruje liji lina laji lela a nya larire fruuta, a fruuta gwalo je gwortal; a dhuŋun peth dhina dhanya dhothaije Babuŋw galo gi jiriny jiny, dhajidhedha.

Gwati gweda gwuthi uminyuŋw gwinunu gi uminyi ibigwa no, di gweda eijo limedhigen.

Durna peth dina dijo diginy dina dati diriro fruuta no ŋwulurta galo; a durna peth dina diriro fruuta, ŋwuljarima dilrire fruuta gwoinyadhanu.

Amr gwiny gwiro ibigwa, danya uminyi gweta gweta dagalo, gwiro ŋinena uminyajina.

A minoŋ Babo gwiny gwamajidhini, danya rire fruuta gwoinyadho; danyaro calmiz jiny.

Nyi gwiro dhugur dhina dhiro titiganu, a Babo gwiny gwiro Kweleny gwa dhugur.

Ada kwiji gweta gwati gwimaje diginy no, ŋwuguthini por gwiro ŋinena durna, duŋwudhe; alwareje liduŋw, alligatho kiga, alude.

Nyi gwimajabiŋaijo dhuŋuna ibidha, di iŋir dhugore gwiny je dagalo, a di iŋir dugore gwalo meajini.

Ada nyaŋa limamutha awaamir gwiny, nyaŋa laji laje gi uminyi gwiny; gwiro ŋinena muthudhiny awaamir gwa Babo gwiny, nyije gi uminyi gwuŋun.

Minoŋ nyi gwimajidhedha amr ibigwa, danya uminyi gweta gweta dagalo.

Ada nyaŋa lina lirii la gidhila, a gidhila gaiiuminyi lijo legen; abi ŋinena athanya rui la gidhila no, abi nyi gwimajuthe ganu kidhila, a gi dhuŋun ibidha gidhila gajirini.