Popular Bible Verses from Ibriko 12

Share

Süla zhapumia hadepuo kimhou mhiei u houpfü bakecü la, mha u cha khapfü kebako mu u kutsapfü keba kephouma kha kegewa di u kegepfü ta u mhodzütsa whuo zo volie khe, sidi u kepele khapie u ketsüu mu chü tseishüyakezha Jisu meho zolie khe, puoe mha puo kenei puo mhodzütsa bakecüko la kemengakecü rei üse mhapuo kemo mhie di krus se rei hielieta zo, sidi vo Ukepenuopfü zatsa kedibau nu bate.

Pethayakezha khe tseki we u neikelieu monyü u thepesuokeshü mhietaya, derei sidi pethapfülieketako kenuotsa süu la kemiatho kelhou si thenou kemene parlieya.

Themia kehoupuorei ze kezevituoü pfhü zolie, mu mesa zolie, si moliro Niepuu ngulie lho zo.

Puo kephoumamia kinu ngukemvü hade ngulie rei kephoumako donu shügeshühiekelie leshücie, sitse nie chamezie morei nie nou thachüta molietuo.

Süla we kethezie khashülie khe, kekreilamonyü we bie keniewalie kelho kedirüvie puo ngulieketa la, sidi we Ukepenuopfü rhu mu puo khrüprei siei di puo neikecü lietho-u chülietuo khe

Nie bu vilieketuo la pethayakecü zo. Ukepenuopfüe nieko ü puo nuonuo üdi nie gei haishüya; sütuoi nuo kikecüpuoe puo krü puo pethaya kemo ba ga?

Ukepenuopfüe mha the pejüwayakezha mi puo zocü la.

Úko zowe u mhodzüki vi ücü puotei huo u pethayakezha zo, derei puo zowe u bu puo kemesau ngulieketuo la u la kevi le di u pethashüya.

Nieko kephouma ze keperhiekecü nu nie zie pekrucü ketso phi mo zoluo