Popular Bible Verses from Ibriko 11

Share

Siro kepele-e siedze ngulietuoü ketuoko merü tou baketa puo, ngu mo zoluo rei si tou baketau zo. Ketho zo, u pfutsanuoko rei kepele süu la uko üse mezhü ülie.

Siro kepele sa mo di Ukepenuopfü nei chülie kenjü, kekreilamonyü puo ki kevormia, puo ba zo ükecü mu puoe puo pfhü kevormia zhakhra chüshüya ücü pele morosuo.

Kepele geinu tei kijü chükelie Ukepenuopfü die geinu zo ücü silie, sidi ngu kemoko geinu kengu vieko chüse parlie.

Kepele geinu Abraham rei puo kekie die ze di pie puo tsütuo ükezhü kijüu nu voketuo la puoe tuo prata, puo kevokevü cha si mo zorei. Kepele geinu puotei huoyo la puoe phrakeshü kijüu nu chazoumia mhie di lhou, dzüpfheki nu lhou, Isak mu Jakob unie rei sümhie di pfheki nu lhou, unie rei puo ze phrakeshü kayieu kerhe zocü la.

Kepele geinu Noah rei vorketuoko ngu moluocü nu Ukepenuopfüe puo tarhokeshü dieu silie, mu tarhokeshü dieu ze di rou puo chülie, puo kinuko kelalieketuo la; süu geinu puoe kijüu pejowate, mu kepele la puoe kemiatho kayieu chüte.

Kepele geinu Inok bu sia mo di ze khote, mu “Ukepenuopfü thuo puo ze khoketa la puo ngu mote.” Kekreilamonyü puo ze khoketa mhodzü rei “Puo Ukepenuopfü nei chülie” ükecü zhapu chüshü zo.

Kepele geinu Abel-e Kain ruosuo ki vikuocü chüpie Ukepenuopfü tsülie. Sügeinu puo üse miatho ülie, sidi Ukepenuopfü thuo puo mha khakeshüko puotou ükelie zo; süla puo siata zorei puo kepele süu geinu tsie rei u rüchüya.

Kepele geinu puo yie ngulie kevi kekuo ngulie, puo rei tsata mu Sara rei nuojüpfü puo zo, sirei puoe phrapiekezhüu dietho zoketuo peleketa la.

Kekreilamonyü puoe merü keba nadi puo mvüdzeko dzepie zhükewau, süu rhi mu chükeshüu sü Ukepenuopfü thuo zokecüu pfhüzhüketa la.

Kepele la Mosa rei phichü sierkelie ki puo Faro nuopfü nuo ücü rei kie mvüta, sidi kephouma nunu puo nei kebau ki rei Ukepenuopfü themiako ze kemezhieketuo kedalie. Puo Ijipt kinyiko pete ki rei Khrista la thetha pfükeshü we puoma rekuo ücü leta, puoe thiesie zhakhrau meho tuoketa la. Kepele la puo kediu nouyieu prei mo zo di Ijipt nunu tuoprata, kekreilamonyü puoe umhi ü ngulie kelho-u ngu baketa tuoi khashü mvü beita zo.

Kepele la Abraham rei puo dojü kesie ki, Isak rei pie ruosuo chütuoü sie zo. Phrakeshüu ngulieketau puo nuo pfuliu zorei khapie ruosuo chütuoü dojüse tuo

Kepele la dieze chülie moketako donunu thethenupfü Rahab dukhriwa molie, kekreilamonyü puo puo nei siei di mha rie kevornie pesokelie la.

Kepele la themiako Kemerie Dzükezhau ha rei ü kijü keso tuoi di cie vota zo, derei Ijiptmia süu cietuoü kele ki uko pelheikhriwa.

Kepele la uko zha thenie tuo Jeriko dahouu whikeshü sie süu bu tetsuta.

Kepele la puoe Ciekevonyiu keselie mu thezie kegepie vakecüu rei chülie, sidi nuorieu kepekau bu Israelmia nuorieu pekawa molieketuo chülie.

Kepele la Josef rei puo se tieki Israelmiako tuo la pralietaketuo dze puta zo mu puo khruketuo la mha morokesuoko pushü zo.

Kepele la Jakob rei siatatuo ükezhü ki japie Josef nuonie tsü mu, “Puo the mengupie di rüsuota zo.”

Kepele la Isak rei hasie vorketuo thejako japie Jakob mu Esau unie tsüwa.