Popular Bible Verses from Matayo 26

Share

Muvedzage miiho nu kulapangila, ukuta ingemyo dzitane ukuvalema. Inumbula dzeenyo dzíitawuwe, neke kangi imivili gingaya ngufu.”

Akuvalongelaga iitigilaga, “Inumbula yangu yili nu wuhuguvafu mbandu ngita kufuwa. Mwikale baaha, muvedzage miiho pamwinga naane.”

Iihegelelaga pawutalo padebe, akwigwisaga paanyi kinyalileme, iilapangilaga iitigilaga, “Ve Daada! Ngana lwivagila, uunyedzehedze ikinywelo kya mumuko iki. Neke kangi si kutigila lulimikage lwe ndíkeeliye uneene, nda haamu, lulimikage lwe úkeeliye uveeve.”

Pakuva iyi ye danda yangu ya lufingo iyiikwitika wiimila wa voloofu, ukuta uNguluvi avapyanilage indzanangifu dzaawo.

UYesu na vanyigendwa vaakwe pe vali mu kuliya, iinyamulaga umukaate, akugufuunyililaga, iimegulingʼasaga, akuvapeelaga avanyigendwa vaakwe iitigilaga, “Kote muliyage, ugu gwe muvili gwangu.”

Iinyamulaga ni kinywelo ikili ni difwayi, akumuhongedzaga uNguluvi, akuvapeelaga iitigilaga, “Kote, munywedzage nyivonda.

Neke uYesu apilukage pe avalekile avanyigendwa vaakwe vadatu, avawonage vágoneeliye. Akumuwuudzaga uPetulo iitigilaga, “Múlemiilwe ukuvedza miiho pamwinga naane nambe kivalilo kimwinga?

Ndikuvalongela ukutigila, sindilaanyuwa kangi idifwayi ukufikila ikigono pe ndilaanyuwa idifwayi imiya, pamwinga na yuunye ku wutwa wa Daada.”

Neke uPetulo iiwukage amadzwi ago ge amulongiye uYesu ukutigila, “Umusika indzogolo pe yisinaa yivika, wiivedza úungʼaanile nyakadatu.” Apo iihumaga kwivala, iivembaga hiilo.

Mwime! Tuhege! Lolage, umunya kuusutula ali biihi!”

Neke uYesu amulongelage atigilage, “Upiluse ilipanga lyako mu wugono waakwe, pakuva avaanu vonda aviitovana ni lipanga, viikomwa ni lipanga!