Popular Bible Verses from Matayo 24

Share

Wiimila wa wuhosi úwuginaliye hiilo, avaanu voloofu valaaleka ukuveenda avangi. Neke kangi umuunu ye avedzaga ye aliigugumidza ukufikila ku wusililo, uyo ye alaapokwa.

Kangi iMola iNofu dza wutwa wa kukyanya dzilaadalikwa mu nyi yonda, ukuta dzivedze woolesi ku vaanu vonda, apo pe peene pe wulaahumila uwusililo wa misika.

Mu musika ugo mulaapulikaga imola dza magoha ni mwepo dza magoha. Mwali mutanage ukwituunidza, pakuva idzo dzinya kuhumila, neke kangi uwusililo uweene wulaavedza waave ukwadza.

Inyi yimwinga yilayaaluka inyi iyingi nu wutwa wumwinga wulawaaluka uwutwa uwungi. Kulaavedza ni filindima ni lipunge fivala fivala. Dzonda idzo dzilaavedza we waamulilo wa wuvafi ngita wa kuhola umwana.

Ikyanya ni nyi filaahelanidza, neke kangi amadzwi gangu gasilaahelanidza nambi.

Avaanu voloofu valaadzila mu litaawa lyangu, kangi valaatigila, ‘Uneene nde Mesiya,’ valavadzanga voloofu.

Unyeenye mulaasindikwa kupumuswa nu kukomwa, kangi avaanu va nyi dzonda valavasuula, pakuva muli vanyigendwa vangu. Mu musika ugo, avaanu voloofu valaaleka ukuuniniila. Valiisutula nu kwisuula veene mwa veene. Kangi valaahumila avavidzi voloofu va wudesi nu kuvadzanga avaanu voloofu.

UYesu akuvahigaga iitigilaga, “Muvedzage miiho, umuunu ye avedzaga atanage ukuvadzanga!

Pa ulo, na yuunye mwikalage mwígelaniidze, pakuva uMuswamuve va Muunu alaadza ikivalilo kye musiihuuvila.”

Lino mwikalage miiho, pakuva musikukidzeela ikigono kye alaadzila uMutwa veenyo.

“Neke kangi ulwa kigono kila ni kivalilo kila kye alaadzila uMuswamuve va Muunu, sikwali ye iidzeela, nambe vanyamwandza va kukyanya nambe Muswamuve, yu Daada mwene ye iidzeela.

Pakuva valaahumila avaanu avakwitambula Mesiya na vangi avakwitambula ukutigila vavidzi. Vonda avo valaavedza vadesi. Valaahuufya ifimanyilo ni fidzumo fikomi ukuvadzanga avaanu, nde vavedze vahaagulwa va Nguluvi.

Pakuva ukwadza kwa Muswamuve va Muunu kulaavedza ngita kye lwali pa figono ifya Nwaka. Mu figono ifyo uwulava pe wusinaa waadza, avaanu vaaliyaga nu kunyuwa, vaatoolaga nu kutawuka ukufikila ikigono uNwaka pe iingiye mu ngalavala. Avaanu avo vasaadzeeliye kikivedzaga ikihadza kiihumila ukufikila uwulava pe wiikwadza nu kuvatipula vonda. Lulaavedza ndeeni pa kwadza kwa Muswamuve va Muunu.