Popular Bible Verses from Matayo 23

Share

Umuunu ye avedzaga ye iisaka ukuvedza mukomi veenyo, avedzage mulimila-vangi va vangi.

Pakuva umuunu ye avedzaga ye akwiyinula, uNguluvi akumwisa. Neke kangi umuunu ye avedzaga ye akwiyisa, uNguluvi akumwinula.

“Muli nu lukali unyeenye vawulanidzi va milagililwe na yuunye Vafwalisayo, vakedusaanye! Pakuva mwikwinatila ukutawula uwusembe kwa Nguluvi ilifungu limwinga mu mafungu likyumi limwinga (1/10) nambe lya fihato ifidebedebe ngita imbwiga ni nyungu. Neke kangi mwibedalila amadzwi amakomi ga milagililwe, kwe kutigila uwugolofu, ulupyana nu kuvedza vanya kuhuuvilwa kwa Nguluvi nu kwa vaanu avangi. Lino mwisakulwa ukulima ingʼaani idzo, kingaya kuleka ukutawula uwusembe uwo.

“Muli nu lukali unyeenye vawulanidzi va milagililwe na yuunye Vafwalisayo, vakedusaanye! Unyeenye muli ngita ikinywelo ni fitonga fye mwivaladza mwivala hela, neke kangi mugati mu numbula dzeenyo, múmemile ikyoyo nu wuliya hiilo.

Neke uYesu atigilage, “Yelusalemu, Yelusalemuave! Uveeve ye ukuvakoma avavidzi na vangi avaatumiilwe ukwako, ukuvatova na maganga. Ndikaasakiige ndivalundase avaanu vaako nyakoloofu, ngita ngʼuku kye yaayilundasa ifyana fyakwe mu mapiko gaakwe, neke kangi musaasakile.

Luli ewo, na yuunye mwiwoneka mwivala ku vaanu ukutigila vagolofu, neke kangi mugati mu numbula dzeenyo, múmemile wukedusi nu wuhosi.