Popular Bible Verses from Juan 11

Share

Dai Suxi itïtïdai aidï, —Aanï ïgai ix makïdï duduakatudai koidadï di. Dai aanïkïdï kïïgakïrï óídaga óídakami ïpï. Odami ix makïdï gin buaboitudai, tomaxi koi ïgai bïïxkïrï kïïgakïrï duduaka agai. Dai odami ix makïdï óídaga gin buaboidakai tomarhi ïmo imidagai mai koi agai ibhïgadï— itïtïdai. —¿Buaboitudai pïxi ixtumaxi gï aagidi aanï?— itïtïdai.

Daidi go Suxi itïtïdai, —¿Maiti ix gï aagidi aanï sai nïidamu aapi xïïxi ïr gïdukami Diuxi buaboitudakai aapi?— itïtïdai.

Baidi Suxi suakimi ïpï.

Ipïrhiditadai ïgai ix otoma imiagi Suxi gamoko dïï mai otoma jii ïgai dai bhaiyoma aidïxi máí ïgai ix koko go Lasaro mos potïtïdai ïgai ix makïdï ami darakatadai, —Idi kokodagai ix makïdï oidi go Lasaro maiti ïr mukigamika agai. Idi mos ïr ïmo maaxidaragaika agai xïïxi ïr gïdukami Diuxi— itïtïdai. —Dai idi kokodagaikïdï maaxitudamu Diuxi xïïxi ïr gïdukami aanï ïpï Diuxi Maradïkatai aanï— itïtïdai.

Dai bhodïrï gïgïrï ño go Suxi daidi ikaiti, —Aapi Lasaro, busaiñi abhiadïrï— itïtïdai. Dai bhodïrï ix makïdï kaxi ïr mukiadïkatadai busai abhiadïrï xako yaasapikatadai. Dai kia kïïga bhibhixapitugai ïïkasodï dai modukai ïkadï. Dai kia bhixapitugai buibasodï ïpï ïmo pañituikïdï. Baidi go Suxi potïtïdai go gaa, —Upasdabïrai bai aimïraiña gobai— itïtïdai.

Dai bhodïrï ïpamu kabami soi gï ïrhidi Suxi dai ayi ïgai tïjobiana xako yaasapikatadai go Lasaro dai ïmo gïï odai ami taagiña dakatadai.

Kaxkïdï mïï nïida iñagai gïr aduñi Lasaro. Koso ïgai dai aanï mïï nïñituda iñagai— itïtïdai Suxi.